ఉత్తర్ ప్రదేశ్ లోని లక్నో సివిల్ కోర్టు వెలుపల గ్యాంగ్ స్టర్, ముఖ్తార్ అన్సారీ సన్నిహితుడు సంజీవ్ జీవాపై కాల్పులు జరిగాయి. ఈ ఘటనలో అతను ప్రాణాలు కోల్పోయాడు. అతనిపై కాల్పులు జరిపిన దుండగుడు లాయర్ వేషంలో ఉన్నట్టు సమాచారం.
బీజేపీ నేత బ్రహ్మదత్ ద్వివేది హత్య కేసులో నిందింతుడిగా ఉన్న జివాను విచారణ నిమిత్తం పోలీసులు లక్నో కోర్టుకు తీసుకువచ్చారు. ఈ సమయంలోనే ఈ కాల్పుల ఘటన చోటుచేసుకుంది. ఈ కాల్పుల్లో ఓ యువతి కూడా గాయపడింది. కాగా ఈ గ్యాంగ్ స్టర్ పై గతంలో పలు క్రిమినల్ కేసులు కూడా నమోదయ్యాయి. రాష్ట్ర పోలీసుల కస్టడీలో ఉన్న గ్యాంగ్స్టర్ అతిక్ అహ్మద్ కాల్చి చంపబడిన రెండు నెలల తర్వాత ఈ ఘటన జరగడం పలు ఆందోళనలకు దారి తీస్తోంది.
దుండగులు లాయర్ల వేషంలో వచ్చి జివాపై కాల్పులు జరిపారని, ఆ బుల్లెట్లు తాకి అతను చనిపోయినట్టు పలు నివేదికలు సూచిస్తున్నాయి. ఆ తర్వాత దుండగుడు అక్కడ్నుంచి పారిపోయినట్టు సమాచారం. పోలీసులు ప్రస్తుతం ఈ ఘటనపై విచారణ జరుపుతున్నారు. హత్యకు గల కారణాలు, ఎవరు, ఎందుకు చేశారన్న వివరాలను రాబట్టే ప్రయత్నం చేస్తున్నారు.
సంజీవ్ జివా ఎవరు..?
- అతను కాంపౌండర్ గా కెరీర్ గా ప్రారంభించాడు. ఆపై అండర్ వరల్డ్ లో సభ్యుడిగా మారాడు.
- 2018లో బాగ్ పత్ జైలులో కాల్చి చంపబడిన మున్నా బజరంగీకి జివా సన్నిహితుడు.
- బీజేపీ ఎమ్మెల్యే కృష్ణానంద్ రాయ్ హత్యలో ముఖ్తార్ అన్సారీతో పాటు సంజీవ్ మహేశ్వరి జివా కూడా నిందితుడిగా ఉన్నారు.
https://twitter.com/ANINewsUP/status/1666400690233827328