గండిపేట, వెలుగు: గంజాయి సప్లయ్ చేస్తున్న ముగ్గురిని శంషాబాద్ ఎక్సైజ్ పోలీసులు అరెస్ట్ చేశారు. ఉప్పర్పల్లిలోని శంషాబాద్ ఎక్సైజ్ పీఎస్ లో శనివారం ఏర్పాటు చేసిన మీడియా సమావేశంలో రంగారెడ్డి జిల్లా ఎక్సైజ్ అసిస్టెంట్ సూపరింటెండెంట్ శ్రీనివాస్ రెడ్డి వివరాలు వెల్లడించారు.
ఉత్తర ప్రదేశ్కు చెందిన అజయ్ పటేల్ గగన్ పహాడ్ వద్ద బైక్ పై గంజాయిని తీసుకెళ్తుండగా అదుపులోకి తీసుకున్నామన్నారు. అతడి దగ్గరి నుంచి 2.7 కిలోల గంజాయితో పాటు బైక్ ను స్వాధీనం చేసుకున్నామన్నారు. అజయ్ పటేల్ కు సహకరించిన అనిల్ కుమార్, ఖలీల్ను సైతం అదుపులోకి తీసుకొని రిమాండ్ కు తరలించామన్నారు.
