హైదరాబాద్ మైలార్దేవ్పల్లిలో కలుషిత నీరు తాగి ఇద్దరు మృతి చెందారు. నిన్న ఖైసర్ అనే యువకుడు మృతి చెందగా..ఇవాళ ఆఫ్రిన్ సుల్తానా మరణించింది. ఈ ఘటనలో మొత్తం 10మంది అస్వస్థతకు గురయ్యారు. అజారుద్దీన్, సమ్రీన్ బేగం, ఆర్పీ సింగ్, షహజాది బేగం, ఇత్తెషాముద్దీన్, ఇఖ్రాబేగం అస్వస్థతో చికిత్స పొందుతున్నారు.
మరణించిన ఆఫ్రీన్ సుల్తానా కూతురు ఫైజాబేగం పరిస్థితి విషమంగా ఉంది. జలమండలి అధికారుల నిర్లక్ష్యం వల్లే ఈ ఘటన చోటుచేసుకుందని బాధితుల బంధువులు ఆరోపిస్తున్నారు. బాధ్యులపై వెంటనే చర్యలు తీసుకుని బాధిత కుటుంబాలను ఆదుకోవాలని డిమాండ్ చేశారు.
