డిసెంబర్ 3న మ్యాచ్, అదే రోజు కౌంటింగ్
హైదరాబాద్, వెలుగు: వరల్డ్ కప్ తర్వాత సొంతగడ్డపై టీమిండియా ఆస్ట్రేలియాతో ఐదు టీ20ల సిరీస్‌ ఆడనుంది. ఇందులో చివరి టీ20ని డిసెంబర్ 3న హైదరాబాద్ ఉప్పల్ స్టేడియంలో షెడ్యూల్‌ చేశారు. కానీ, అదే రోజు అసెంబ్లీ ఎలక్షన్ కౌంటింగ్ ఉండటంతో మ్యాచ్ నిర్వహణపై అనుమానాలు మొదలయ్యాయి. ఆ టైమ్‌‌‌‌లో కౌంటింగ్, శాంతిభద్రతలపై పోలీసు శాఖ దృష్టి సారించడంతో మ్యాచ్‌‌‌‌కు పూర్తి స్థాయిలో భద్రత కల్పించలేకపోవచ్చని హెచ్సీఏ వర్గాలు భావిస్తున్నాయి. ఈ నేపథ్యంలో వైజాగ్‌‌‌‌లో ఈ నెల23న జరగాల్సిన తొలి టీ20ని హైదరాబాద్‌‌‌‌కు కేటాయించి, చివరి మ్యాచ్‌‌‌‌ను వైజాగ్‌‌‌‌కు మార్చాలని బీసీసీఐని రిక్వెస్ట్‌ చేయాలని హెచ్సీఏ ఆలోచన చేస్తోందని సమాచారం. అయితే ప్రస్తుతం ఉప్పల్ స్టేడియంలో సౌత్‌ స్టాండ్‌ పైకప్పు నిర్మాణం, కొత్త కుర్చీల ఏర్పాటు పనులు జరుగుతున్నాయి. దాంతో తొలి టీ20 నిర్వహణ కూడా సాధ్యం అవుతుందో లేదో చెప్పలేని పరిస్థితి ఉంది.
