ఐకాన్ స్టార్ అల్లు అర్జున్(Allu Arjun) హీరోగా వచ్చిన పుష్ప(Pushpa) సినిమా సాధించిన విజయం గురించి ప్రత్యేకంగా చెప్పాల్సిన పనిలేదు. సుకుమార్(Sukumar) దర్శకత్వంలో వచ్చిన ఈ మూవీ.. ప్రపంచవ్యాప్తంగా బ్లాక్ బస్టర్ హిట్ గా నిలిచింది. ఈ క్రమంలో పుష్ప సాధించిన రికార్డ్స్ కూడా చాలానే ఉన్నాయి. ఇక తాజాగా ఏ పుష్ప సినిమాకు సీక్వెల్ గా వస్తున్న పుష్ప2(Pushpa2) కూడా రికార్డుల మోతమోగిస్తోంది.
విడుదలకు ముందే ఈ సినిమా రికార్డ్స్ క్రియేట్ చేస్తోంది. తాజాగా ఈ సినిమా నుండి అల్లు అర్జున్ ఫస్ట్ లుక్ ను రిలీజ్ చేసిన సంగతి తెలిసిందే. అల్లు అర్జున పుట్టినరోజు సంధర్బంగా రిలీజ్ చేసిన ఈ పోస్టర్ కు ఆడియన్స్ నుండి క్రేజీ రెస్పాన్స్ వచ్చింది. గంగమ్మ జాతరలో లేడీ గెటప్ లో ఉన్న వ్యక్తిగా బన్నీ లుక్ సినిమాపై అంచనాలను అమాంతం పెంచేసింది. దీంతో ఈ లుక్ ఇప్పుడు సరికొత్త రికార్డ్ క్రియేట్ చేసింది. అదేమంటే ఇంస్టాగ్రామ్ లో ఏడు మిలియన్ లైక్స్ సాధించిన ఫస్ట్ లుక్ గా నిలిచింది రికార్డ్ సృష్టించింది. అంతేకాదు ఇండియా నుండి ఈ ఘనత సాధించిన ఫస్ట్ మూవీగా పుష్ప2 ఫస్ట్ లుక్ రికార్డ్ క్రియేట్ చేసింది. ఈ న్యూస్ తెలుసుకున్న ఐకాన్ స్టార్ ఫ్యాన్స్ ఫుల్ ఖుషీ అవుతున్నారు.
ఇక పుష్ప పార్ట్ 2 విషయానికి వస్తే.. ప్రస్తుతం ఈ సినిమా షూటింగ్ శరవేగంగా జరుపుకుంటుంది. మైత్రీ మూవీ మేకర్స్‌ బ్యానర్‌పై భారీ బడ్జెట్‌తో తెరకెక్కుతున్న ఈ సినిమాలో.. నేషనల్ క్రష్ రష్మిక మందన్నా హీరోయిన్ గా నటిస్తుంది. దేవి శ్రీ ప్రసాద్ సంగీతం అందిస్తున్న ఈ సినిమా 2024 దసరా కానుకగా రిలీజ్ కానుంది. మరి రిలీజ్ కు ముందే సరికొత్త రికార్డ్స్ క్రియేట్ చేస్తున్న ఈ సినిమా.. రిలీజ్ తరువాత ఇంకెన్ని రికార్డ్స్ క్రియేట్ చేయనుందో చూడాలి.
