వెండితెరపై మెగాస్టార్గా ఉన్న అమితాబ్ బచ్చన్ బుల్లితెరపై కూడా ‘కౌన్బనేగా కరోడ్పతి’ ద్వారా సత్తా చాటుతున్నారు. ఇటీవల ఓ సందర్భంలో మాట్లాడుతూ తనకు సరైన అవకాశం దొరికితే డిజిటల్ ప్లాట్ఫామ్పై కూడా అడుగుపెడతానని చెప్పాడు. ‘ప్రస్తుతం డిజిటల్ ప్లాట్ఫామ్స్ (నెట్ఫ్లిక్స్, అమెజాన్, జీఫైవ్)పై మంచి కంటెంట్తో కూడిన సినిమాలొస్తున్నాయి. మంచి కంటెంట్తో ఎవరైనా వస్తే వెబ్సిరీస్లలో కూడా నటించేందుకు సిద్ధం’ అని బిగ్బి చెప్పాడు. దీంతో తాము అమితాబ్ తో వెబ్సిరీస్ రూపొందించేందుకు ప్రయత్నిస్తున్నామని అమెజాన్ ప్రకటించింది. దేశంలోని టాప్ ఓటీటీ ప్లాట్ఫామ్స్లో ఒకటిగా కొనసాగుతున్న అమెజాన్ అనేక వెబ్సిరీస్లతో ఆకట్టుకుంటోంది. త్వరలో అమితాబ్తో కూడా సిరీస్ రూపొందించేందుకు కథ సిద్ధం చేస్తోంది. అమితాబ్ కొడుకు అభిషేక్ బచ్చన్ ఇప్పటికే వెబ్సిరీస్లో నటిస్తున్నాడు. ఆయన ‘బ్రీత్–2’లో నటిస్తున్నాడు.
