ఆసిఫాబాద్, వెలుగు: అంబులెన్సు అందుబాటులో లేక గర్భిణిని 7 కి.మీ. బైక్పై తీసుకెళ్లిన సంఘటన ఆసిఫాబాద్ జిల్లాలో ఆదివారం జరిగింది. వాంకిడి మండలం సోనాపూర్ గ్రామానికి చెందిన సిడాం భీంబాయి గర్భిణి. నెలలు నిండి కడుపు నొప్పి రావడంతో భర్త భీంరావ్ 108 వాహనానికి ఫోన్ చేశారు. రావడానికి మూడు గంటలు పడుతుందని వారు చెప్పారు. వెంటనే స్థానిక హాస్పిటల్లో ఉన్న అంబులెన్స్కోసం ఫోన్చేయగా డ్రైవర్ లేడని సమాధానం ఇచ్చారు. ఏం చేయాలో తోచక బైక్పైనే సుమారు 7 కిలోమీటర్ల దూరంలోని వాంకిడి ప్రభుత్వ దవాఖానాకు బయలుదేరారు. మార్గమధ్యలో ఆమెకు రక్తస్రావమైంది. చివరికి వాంకిడి ప్రభుత్వ హాస్పిటల్కు వెళ్లేసరికి అక్కడా నిరాశే ఎదురైంది. డాక్టర్ అందుబాటులో లేడు. నర్సులే ఆమెకు చికిత్స చేశారు. భీంబాయికి సాధారణ ప్రసవం జరిగింది. ఆడబిడ్డకు జన్మనిచ్చింది.
