Public Exams Act 2024: పేపర్ లీక్ చేస్తే.. పదేళ్లు జైలు, రూ.1కోటి జరిమానా

 Public Exams Act 2024: పేపర్ లీక్ చేస్తే.. పదేళ్లు జైలు, రూ.1కోటి జరిమానా

న్యూఢిల్లీ: పబ్లిక్ పరీక్షల్లో జరిగే అవకతవకలను నిరోధించే చట్టం అమల్లోకి వచ్చింది. దేశ్యవాప్తంగా జరిగే పబ్లిక్ పరీక్షలు, సాధారణ ప్రవేశ పరీక్షల్లో ఎలాంటి అవినీతి , అన్యాయమైన విధానాలు చోటు చేసుకోకుండా నిరోధించే విధంగా కేంద్ర ప్రభుత్వం పబ్లిక్ ఎగ్జామినేషన్స్ యాక్టు 2024ను అమలు చేస్తోంది. నీట్, యూజీసి నెట్ పరీక్షల  నిర్వహణలో అవకతవకలు జరిగాయని ఆరోపణలు వచ్చిన క్రమంలో ఈ చట్టాన్ని అమల్లోకి తెచ్చింది. 

పబ్లిక్ ఎగ్జామినేషన్ యాక్టు 2024 ప్రకారం..పరీక్షల నిర్వహణలో మోసాలకు పాల్పడితే మూడు నుంచి ఐదేళ్ల జైలు.. సంస్థాగతంలో మోసాలకు పాల్పడితే వారికి ఐదు నుంచి 10 ఏళ్ల జైలు శిక్షణ, కోటి రూపాయల జరిమానా విధించబడుతుంది. 

ఒక వ్యక్తి లేదా వ్యక్తుల గ్రూప్ పరీక్షా అధికారం, సర్వీస్ ప్రొవైడర్ లేదా ఏదైనా ఇతర సంస్థలతో కలిసి నేరానికి పాల్పడితే వారికి ఐదేళ్ల కంటే తక్కువ కాకుండా జైలు, కోటి రూపాయలకు తగ్గకుండా జరిమానా విధించాలని చట్టం చెబుతోంది. 

చట్టం ప్రకారం.. సంస్థాగతంగా పేపర్ లీక్ క్రైమ్ లో పాల్గొన్నట్లు రుజువైతే ఆ సంస్థ ఆస్తిని అటాచ్ చేయడం, జప్తు చేస్తారు. పరీక్ష నిర్వహణ ఖర్చులు కూడా రికవరీ చేయబడతాయి. అయితే ఈచట్టంలో పరీక్షకు హాజరయ్యే అభ్యర్థులకు శిక్షా నిబంధనలు వర్తించవు. 

ప్రశ్నా పత్రాలు, జవాబు కీలను లీక్ చేయడం, అనధికార కమ్యూనికేషన్ ద్వారా అభ్యర్థులకు సాయం చేయడం కంప్యూటర్ నెట్ వర్క్ లు లేదా సోర్స్ ట్యాంపరింగ్ చేయడం, నకిలీ పరీక్షల నిర్వహణ, నకిలీ సర్టిఫికెట్ల జారీ, మెరిట్ ట్యాంపరింగ్ వంటి చట్టవ్యతిరేక మైన చర్యలపై ఈ చట్టం ద్వారా శిక్ష ఉంటుంది. 

ఈ చట్టం కింద క్రైం లు నాన్ బెయిలబుల్, డిప్యూటీ సూపరింటెండెంట్ ఆఫ్ పోలీస్ లేదా అసిస్టెంట్ కమిషనర్ ఆఫ్ పోలీస్ స్థాయి కంటే తక్కువ లేని ఏ అధికారి అయినా చట్టంకింద ఏదైనా నేరాన్ని దర్యాప్తు చేయవచ్చు. కేంద్ర దర్యాప్తు సంస్థల చేత కూడా విచారణ చేయవచ్చు. 

యూనియన్ పబ్లిక్ సర్వీస్ కమిషన్, స్టాప్ సెలక్షన్ కమిషన్, రైల్వేస్, బ్యాంకింగ్ రిక్రూట్ మెంట్ ఎగ్జామ్స్, నేషనల్ టెస్టింగ్ ఏజెన్సీ నిర్వహించే అన్ని కంప్యూటర్ బేస్డ్ ఎగ్జామ్ లలో జరిగే ఎటువంటి ఫ్రాడ్ అయినా ఈ చట్టం కిందకు వస్తుంది. 

పబ్లిక్ ఎగ్జామినేషణ్ చట్టం 2024 శుక్రవారం (జూన్ 21) నుంచి అమలులోకి వచ్చిందని కేంద్ర మంత్రి గిరిరాజ్ సింగ్ వెల్లడించారు. 

కఠినమైన శిక్షలు: 

ఈ చట్టం ప్రకారం.. క్వశ్చన్ పేపర్ లీక్, ఆన్సర్ షీట్స్ ట్యాంపరింగ్ చేస్తే కనీసం  మూడేళ్లు జైలు శిక్ష, ఐదేళ్ల వరకు పొడిగించే అవకాశం. వీరికి రూ. 10 లక్షల వరకు జరిమానా కూడా విధించవచ్చు. 

నాన్ బెయిలబుల్ క్రైం:

ఎగ్జామ్ లకు సంబంధించిన అన్ని క్రైంలు నాన్ బెయిలబుల్ క్రైం కిందకు వస్తాయి. అంటే వారెంట్ లేకుండా అరెస్ట్ చేయొచ్చు.. వీరికి బెయిల్ పొందే హక్కు ఉండదు. 

సర్వీస్ ప్రొవైడర్ల అకౌంటబులిటీ: నేరం అని తెలిసి కూడా నివేదించడంలో విఫలమైన ఎగ్జామినేషన్ సర్వీస్ ప్రొవైడర్లకు భారీ గా రూ. 1 కోటి జరిమానా ఈ చట్టం ద్వారా విధించబడుతుంది 

సంస్థాగత నేరం:

సంస్థాగత మోసంపై కఠిన చర్యలు ఉంటాయి. సర్వీస్ ప్రొవైబర్లలలోని సీనియర్ అధికారులు ఉద్దేశపూర్వకంగా పేపర్ లీక్ వంటి నేరానికి పాల్పడితే కనీసం మూడేళ్లు జైలు శిక్ష, ఇది పదేళ్ల వరకు పొడిగించవచ్చు. అలాగే కోటి జరిమానా విధించవచ్చు. వ్యవస్థీకృత పరీక్షల మాల్‌ప్రాక్టీస్‌లో పాల్గొన్న ఎగ్జామినేషన్ అధికారులు లేదా సర్వీస్ ప్రొవైడర్‌లకు కనిష్టంగా ఐదేళ్లు, గరిష్టంగా 10 సంవత్సరాల జైలు శిక్ష, అదే రూ. 1 కోటి జరిమానా ఉంటుంది.

అమాయకులకు రక్షణ: ఈ చట్టం తమకు తెలియకుండానే నేరం జరిగిందని నిరూపించగల వ్యక్తులకు కొంత రక్షణను అందిస్తుంది .