రాజస్థాన్ ముఖ్యమంత్రి అశోక్ గెహ్లాట్ పై పరువు నష్టం దావా నమోదైంది. కేంద్ర మంత్రి గజేంద్ర సింగ్ షెకావత్.. సీఎం గెహ్లాట్ పై ఈ కేసు వేయగా 2023 ఆగస్టు 7న హాజరు కావాలంటూ ఢిల్లీలోని రూస్ అవెన్యూ కోర్టు సమన్లు జారీ చేసింది. సంజీవని క్రెడిట్ సొసైటీ కుంభకోణంలో సీఎం గెహ్లాట్ తనపై తప్పుడు ఆరోపణలు చేసిన నేపథ్యంలో తన పరువుకు భంగం కలిగిందంటూ షెకావత్.. గెహ్లాట్ పై రూ. 900 కోట్ల పరువునష్టం దావా వేశారు.
రాజస్థాన్ ప్రభుత్వం ఈ కేసును విచారించినప్పుడు తన పేరు ఎక్కడా కనిపించలేదని షెకావత్ పేర్కొన్నారు. సంజీవని క్రెడిట్ కో-ఆపరేటివ్ సొసైటీ స్కామ్ కు సంబంధించి జోధ్ పూర్ ఎంపీ కూడా అయిన షెకావత్ ఇన్వెస్టర్లను కోట్ల రూపాయల మేర ఛీట్ చేశారని గెహ్లాట్ ఇటీవల ఆరోపించారు.
స్కాామ్ ఎంటీ ?
సంజీవని క్రెడిట్ కో-ఆపరేటివ్ సొసైటీ పేరిట గల ఈ సంస్థ 2019 లో రాజస్తాన్ లో ఏర్పాటయింది. సుమారు 1.46 లక్షలమంది ఇన్వెస్టర్లు గోల్ మాల్ చేసి దాదాపు రూ. 953 కోట్లకు టోపీ పెట్టారు. ప్రజలు చెల్లించే చిన్న మొత్తాలకు తక్కువ వడ్డీకే రుణాలు ఇస్తామని చెప్పి ఈ సంస్థ నాడు నమ్మబలకడంతో అనేకమంది తమ కష్టార్జితాన్ని ఇందులో పెట్టుబడులుగా పెట్టారు. ఆ నాడు ఈ స్కామ్ లో షెకావత్ ను కూడా నిందితునిగా పోలీసులు కేసు పెట్టారు. అయితే ఆయన అరెస్ట్ కాకుండా రాజస్తాన్ హైకోర్టు గత ఏప్రిల్ లో ఉత్తర్వులిచ్చింది.
