ఆదివారం(మే 05) పూట మంచి మజా ఆస్వాదిద్దామనుకున్న అభిమానులకు తొలి మ్యాచ్ అంత కిక్ ఇవ్వలేదు. చేసింది 167 పరుగులకే అయినా.. చెన్నై బౌలర్లు దానిని కాపాడడంలో పైచేయి సాధించారు. ఫలితంగా పంజాబ్‌ను 28 పరుగుల తేడాతో మట్టి కరిపించి.. విలువైన 2 పాయింట్లను తమ ఖాతాలో వేసుకున్నారు.
ఇప్పుడు రెండో మ్యాచ్‌కు వచ్చేశాం.. కోల్‌కతాతో జరుగుతున్న మ్యాచ్‌లో లక్నో సూపర్ జెయింట్స్ టాస్ గెలిచి బౌలింగ్ ఎంచుకుంది. కోల్కతా ఏ మార్పులు లేకుండా బరిలోకి దిగుతుండగా.. లక్నో ఒక మార్పు చేసింది. గాయ‌ప‌డిన మ‌యాంక్ యాద‌వ్ స్థానంలో యశ్ ఠాకూర్ జ‌ట్టులోకి వ‌చ్చాడు. రెండు బలమైన జట్ల మధ్య మ్యాచ్ కావున హోరాహోరీ పోరు ఆశించవచ్చు. ఇప్పటివరకూ ఆడిన 10 మ్యాచ్ల్లో 7 విజయాలు సాధించిన కోల్కతా 14 పాయింట్లతో రెండో స్థానంలో ఉంది. ఈ మ్యాచ్‌లో వారు విజయం సాధిస్తే ప్లే ఆఫ్స్ బెర్త్ దాదాపు ఖాయం చేసుకోవచ్చు. నెట్ రన్‌రేట్(+1.098) వారికి అదనపు బలం.
తుది జట్లు
లక్నో: కేఎల్ రాహుల్ (కెప్టెన్/ వికెట్ కీపర్), మార్కస్ స్టోయినిస్, దీపక్ హుడా, నికోలస్ పూరన్, అష్టన్ టర్నర్, ఆయుష్ బడోని, కృనాల్ పాండ్యా, రవి బిష్ణోయ్, నవీన్-ఉల్-హక్, మొహ్సిన్ ఖాన్, యశ్ ఠాకూర్.
కోల్కతా: ఫిలిప్ సాల్ట్ (వికెట్ కీపర్), సునీల్ నరైన్, అంగ్క్రిష్ రఘువంశీ, శ్రేయాస్ అయ్యర్ (కెప్టెన్), వెంకటేష్ అయ్యర్, రింకు సింగ్, ఆండ్రీ రస్సెల్, మిచెల్ స్టార్క్, వరుణ్ చక్రవర్తి, హర్షిత్ రాణా.
