ఎల్బీనగర్, వెలుగు: రెంటుకు ఇల్లు కావాలని వెళ్లి ఇంటి యజమాని మెడలోని బంగారు గొలుసును లాక్కెళ్లిన ముగ్గురిని ఎల్బీనగర్ పోలీసులు అరెస్ట్ చేశారు. రాచకొండ సీపీ మహేశ్భగవత్ తెలిపిన వివరాల ప్రకారం.. హస్తినాపురం పద్మపాణి ఆచార్య మార్గ్లో ఉండే ఎ.రాజ్యలక్ష్మి(68) తన ఇంటిని రెంటుకు ఇచ్చేందుకు గత నెల 28న టూ లెట్పెట్టింది. జూబ్లీహిల్స్ కు చెందిన వెంకట శేషయ్య(43) పాత నేరస్థులైన యాదాద్రి జిల్లా ఆత్మకూరుకు చెందిన మహ్మద్ అహ్మద్(24), మేడ్చల్ జిల్లా చింతల్ కు చెందిన ముప్పిడి హరిబాబు(28)తో కలిసి రాజ్యలక్ష్మి ఇంట్లో చోరీకి స్కెచ్వేశాడు. 31న తమకు ఇల్లు అద్దెకు కావాలంటూ శేషయ్య వెళ్లాడు. ఇల్లు మొత్తం తిరిగి చూసి వచ్చేశాడు. ఈ నెల 1న అహ్మద్, హరిబాబును చోరీకి పంపించాడు. మొదట ఇద్దరూ టూలెట్చూసి వచ్చామని చెప్పి రాజ్యలక్ష్మిని నమ్మించారు. దాహం వేస్తోంది కొంచెం మంచినీళ్లు ఇస్తారా అని అడిగి, తీసుకురావడానికి వెళ్లగానే ఆమెను వెంబడించి రాజ్యలక్ష్మి మెడలోని 6 తులాల బంగారు గొలుసును లాక్కెళ్లారు. బాధితురాలి ఫిర్యాదుతో కేసు నమోదు చేసిన పోలీసులు సీసీ కెమెరాల ఆధారంగా నిందితులను అరెస్ట్ చేశారు. 6 తులాల గోల్డ్, రెండు బైకులు స్వాధీనం చేసుకున్నారు.
