- కర్నాటకలోని హవేరి జిల్లాలో ఈ నెల 7న జరిగిన దారుణం
బెంగళూరు: మతాంతర వివాహం చేసుకున్న జంటపై కర్నాటకలోని హవేరి జిల్లాలో జరిగిన దాడి కేసులో కొత్త ట్విస్ట్ బయటపడింది. తనపై గ్యాంగ్ రేప్ జరిగిందని 26 ఏండ్ల బాధితురాలు కోర్టులో జడ్జి ఎదుట స్టేట్మెంట్ ఇచ్చింది. దీంతో పోలీసులు నిందితులపై రేప్ కేసును అదనంగా నమోదు చేశారు. ఈ కేసులో ఇప్పటికే ముగ్గురు యువకులను అరెస్ట్ చేశారు. మతాంతర వివాహం చేసుకున్న యువతి ఈ నెల 7న తన భర్తతో హోటల్లో ఉండగా ఆరుగురు యువకులు వారిపై దాడి చేశారు. అయితే, బాధితురాలు శుక్రవారం ఇచ్చిన స్టేట్మెంట్తో కేసు కొత్త మలుపు తిరిగింది. తనను హోటల్ నుంచి బయటకు ఈడ్చుకొచ్చి, కారులో మరో ప్రాంతానికి తీసుకెళ్లి ఏడుగురు అత్యాచారానికి ఒడిగట్టారని పేర్కొంది.
