టపాసుల ప్యాక్టరీలో పేలుడు సంభవించడంతో తీవ్రంగా ప్రాణ నష్టం, ఆస్తి నష్టం జరిగింది. తమిళనాడులో జరిగిన ఈ ఘటనకు సంబంధించి పోలీసులు తెలిపిన వివరాల ప్రకారం.. జులై 29న తెల్లవారుజామున తమిళనాడులోని కృష్ణగిరిలో ఉన్న బాణసంచా కర్మాగారంలో పేలుడు సంభవించింది.
ఈ ఘటనలో ఓ హోటల్ భవనం కూలిపోగా, మరో నాలుగు బిల్డింగ్స్ పాక్షికంగా దెబ్బతిన్నాయి. ప్రమాదంలో 8 మంది మృతి చెందారు. భవనాల్లో పలువురు చిక్కుకుపోయారు. వారిని కాపాడిన సిబ్బంది తీవ్రంగా గాయపడిన వారిలో 12 మందిని హాస్పిటల్లో జాయిన్ చేశారు.
అప్పటికే ఘటనా స్థలానికి చేరుకున్న అగ్నిమాపక సిబ్బంది మంటలు అదుపులోకి తీసుకువచ్చారు. అధికారులు శిథిలాల కింద చిక్కుకుని ఉన్న మరికొందరిని రక్షించేందుకు ప్రయత్నిస్తున్నారు. ప్రమాదంతో ఆ ప్రాంతం హృదయవిదారకంగా మారింది.