తెలంగాణలో మూడు రోజుల పాటు వర్షాలు కురిసే అవకాశం ఉందని వాతావరణ శాఖ తెలిపింది. రానున్న 24 గంటల్లో నైరుతి రుతు పవనాలు దక్షిణ అండమాన్ సముద్రం,ఆగ్నేయ బంగాళాఖాతంలోకి ప్రవేశించే అవకాశాలు ఉన్నాయంది. తూర్పు మధ్య బంగాళాఖాతం ప్రాంతంలో ఈ నెల 22వ తేదీన అల్పపీడనం ఏర్పడే అవకాశం ఉందని తెలిపింది. ఇది బలపడి 24వ తేదీకి తుఫానుగా ఏర్పడే అవాశముంది. దీని ప్రభావంగా రానున్న 3 రోజులు తెలంగాణ లో తేలికపాటి నుండి మోస్తరు వర్షాలు పడనున్నట్లు వాతావరణ శాఖ తెలిపింది.
