మానసిక ఒత్తిడికి లోనైనప్పుడు, కష్టం వచ్చినప్పుడు కొన్నిసార్లు జీవితం మీద విరక్తి కలుగుతుంది. ‘ఈ లైఫ్ ఎందుకు?’ అనిపిస్తుంది. బతుకు మీద ఆశ చచ్చిపోతుంది. ఎప్పుడో ఒకప్పుడు అందరికీ ఈ ఫీలింగ్ వస్తుంది. అలాంటి సిచ్యుయేషన్లో మోటివేషనల్ వీడియోలు అద్భుతంగా పనిచేస్తాయి. నెగెటివ్ ఆలోచనల నుంచి బయటపడేయడమే కాకుండా బతుకుపై ఆశల్ని పెంచుతాయి. ‘ఎన్ని సమస్యలు ఉన్నా లైఫ్ని ఎంజాయ్ చేయాలి. చిల్ మారో’ అంటున్నాడు ముంబైకి చెందిన చట్పట్ అనే పదేండ్ల పిల్లాడు. ముంబై మురికి వాడల్లో ఉండే ఇతను జీవితంలో కష్టం వచ్చినప్పుడు ఎలా చిల్ అవ్వాలో హిందీలో చెప్పిన తీరు ఆందర్నీ ఆకట్టుకుంటోంది.
‘‘టెన్షన్గా ఉందా? డోంట్ వర్రీ. ఒత్తిడిగా అనిపిస్తే కొంచెం సేపు బ్రేక్ తీసుకోండి. మేము కూడా అదే చేస్తాం. ఈ విషయాలు మీరు పాటించడమే కాదు మీ ఫ్రెండ్స్కి కూడా చెప్పండి. మనసులో ఏదీ దాచుకోవద్దు. ఏరోజు జరిగింది ఆ రోజే మర్చిపోవాలి. చిన్న విషయాన్ని పెద్దది చేయొద్దు. ఎప్పుడూ ప్రశాంతంగా ఉండాలి” అంటూ తన ఫ్రెండ్స్తో కలిసి చట్పట్ చేసిన మోటివేషనల్ వీడియో నెట్లో వైరల్ అవుతోంది. ఈ వీడియోని ఇప్పటికే 50వేల మందికి పైగా చూశారు. ఇతనికి ‘చట్పట్ గ్యాన్’ అనే ఇన్స్టాగ్రామ్ అకౌంట్ ఉంది. దానికి 16వేల మంది ఫాలోయర్లు ఉన్నారు. ఇంతకు ముందు ఈ చిన్నోడు చేసిన ‘కిరాయి కట్టకుండా ముంబైలో ఉండడం ఎలా?’, ‘ఇతర దేశాల నుంచి ఫండ్స్ తెచ్చుకోవడం ఎలా?’ వీడియోలు కూడా పాపులర్ అయ్యాయి.
