సీఎం కేసీఆర్ దంపతులు ఢిల్లీకి బయలుదేరారు. ప్రగతి భవన్ నుంచి బేగంపేట విమానాశ్రయంలో హెలికాప్టర్ లో పయనమయ్యారు. కేసీఆర్ నాలుగు రోజుల పాటు ఢిల్లీలోనే ఉండే అవకాశం ఉంది. రేపు, ఎల్లుండి BRS ఆఫీసులో రాజశ్యామల యాగం జరగనుంది. ఈ నెల 14న 'సర్దార్ పటేల్ మార్గంలో BRS పార్టీ ఆఫీసు ప్రారంభం కానుంది.
బీఆర్ఎస్ పార్టీ కార్యాలయాన్ని ప్రారంభించిన తర్వాత పార్టీ జాతీయ విధానం, జాతీయ కార్యవర్గం, కమిటీలపై కేసీఆర్ స్పష్టత ఇవ్వనున్నారు. ఈ క్రమంలో సీఎం భద్రత ఏర్పాట్లతో పాటు కార్యాలయం ప్రారంభోత్సవ ఏర్పాట్లను మంత్రి వేముల ప్రశాంత్ రెడ్డి, ఎంపీ సంతోష్ పరిశీలిస్తున్నారు.
