గద్వాల, వెలుగు: పార్లమెంట్ ఎన్నికలను పారదర్శకంగా నిర్వహించాలని కలెక్టర్ సంతోష్ సూచించారు. వివిధ రాష్ట్రాల సీఈవోలు, జిల్లా ఎన్నికల అధికారులతో మంగళవారం న్యూఢిల్లీ నుంచి కేంద్ర ఎన్నికల సంఘం ఆఫీసర్లు వీడియో కాన్ఫరెన్స్ నిర్వహించారు. అనంతరం ఏర్పాటు చేసిన మీటింగ్లో కలెక్టర్ మాట్లడుతూ అసెంబ్లీ ఎన్నికల మాదిరిగానే పార్లమెంట్ ఎన్నికలను పారదర్శకంగా నిర్వహించాలన్నారు.
ఎలక్షన్ హ్యాండ్ బుక్ లో ప్రతి అంశాన్ని చదివి తెలుసుకోవాలన్నారు. మోడల్ కోడ్ ఆఫ్ కండక్ట్ రూల్స్ను వివరించారు. అడిషనల్ కలెక్టర్లు అపూర్వ్ చౌహాన్, చీర్ల శ్రీనివాసులు, ఆర్డీవో చంద్రకళ పాల్గొన్నారు.
