షాద్నగర్, వెలుగు : రాష్ట్రంలో కేసీఆర్ ప్రభుత్వానికి కాలం చెల్లిందని.. ఈ ఎన్నికల్లో కాంగ్రెస్ విజయం సాధించి అధికారంలోకి రావడం ఖాయమని షాద్ నగర్ సెగ్మెంట్ కాంగ్రెస్ అభ్యర్థి వీర్లపల్లి శంకర్ ధీమా వ్యక్తం చేశారు. శనివారం రంగారెడ్డి జిల్లా కేశంపేట మండలంలోని లేమామిడి, నిడదవెల్లి, గాంధీ శంకర్పల్లి, లింగందన గ్రామాల్లో వీర్లపల్లి శంకర్ ఎన్నికల ప్రచారం నిర్వహించారు. కర్నాటక కాంగ్రెస్ ఎమ్మెల్యే నాగరాజు యాదవ్ చీఫ్ గెస్టుగా హాజరై మాట్లాడారు.
కర్నాటకలో ఇచ్చిన హామీలను అమలు చేస్తున్నామన్నారు.ఈ 30న జరిగే ఎన్నికల్లో హస్తం గుర్తుకు ఓటేసి వీర్లపల్లి శంకర్ను భారీ మెజార్టీతో గెలిపించాలని నాగరాజు కోరారు. కార్యక్రమంలో కేశంపేట జడ్పీటీసీ తాండ్ర విశాల, నాయకులు తాండ్ర శ్రవణ్ రెడ్డి, మహ్మద్ ఇబ్రహీం, నాయకులు, కార్యకర్తలు పాల్గొన్నారు.
