హైదరాబాద్, వెలుగు: కాంగ్రెస్ పార్టీని సీఎం కేసీఆర్, మంత్రి హరీశ్ రావు అడ్డగోలుగా తిడుతున్నరని.. దీనిపై ఎన్నికల కమిషన్ కు ఫిర్యాదు చేస్తామని ఆ పార్టీ ఎన్నికల కో ఆర్డినేషన్ కమిటీ చైర్మన్ జి.నిరంజన్ తెలిపారు. శనివారం ఆయన గాంధీభవన్ లో మీడియాతో మాట్లాడారు. కాంగ్రెస్ను దోకేబాజీ పార్టీ అని పరకాల సభలో కేసీఆర్ వ్యాఖ్యానించారని చెప్పారు. తమ మేనిఫెస్టోను.. 420 మేనిఫెస్టో అని పేర్కొన్నారన్నారు. కీలక పదవుల్లో ఉన్న వ్యక్తులు ఇలాంటి వ్యాఖ్యలు చేయకూడదన్నారు.
