ముషీరాబాద్, వెలుగు: పుస్తకాలతోనే విజ్ఞానం, వికాసం వస్తుందని సినీ పాటల రచయిత సుద్దాల అశోక్ తేజ అన్నారు. ఎన్టీఆర్ స్టేడియంలో కొనసాగుతున్న హైదరాబాద్ నేషనల్ బుక్ఫెయిర్ను మాజీ స్పీకర్ మధుసూదనాచారి, ఐఏఎస్ అధికారి బుర్రా వెంకటేశంతో కలిసి మంగళవారం ఆయన సందర్శించారు.
బుక్ ఫెయిర్ అధ్యక్షుడు జూలూరు గౌరీశంకర్తో కలిసి పలు స్టాళ్లలోని పుస్తకాలను పరిశీలించారు. ఈ సందర్భంగా వారు మాట్లాడుతూ.. సమాజానికి మంచి సందేశాన్ని అందించేందుకు ఏర్పాటు చేసిన బుక్ ఫెయిర్ చాలా బాగుందన్నారు. తెలంగాణ సాహిత్య అకాడమీ మాజీ చైర్మన్ నందిని సిధారెడ్డి సైతం స్టాళ్లను సందర్శించారు.
