ఎల్బీనగర్/చేవెళ్ల, వెలుగు: గడ్డిఅన్నారం మార్కెట్ చైర్మన్గా రంగారెడ్డి జిల్లా అబ్దుల్లాపూర్ మెట్ మండలం అనాజ్పూర్ కు చెందిన చిలుక మధుసూదన్రెడ్డి నియమితులయ్యారు. ఈ మేరకు ప్రభుత్వ ఏపీసీ సెక్రెటరీ ఎం.రఘునందన్ రావు శుక్రవారం ఉత్తర్వులు ఇచ్చారు. అలాగే గండిచెరువుకు చెందిన సీహెచ్ భాస్కరాచారిని వైస్ చైర్మన్ గా నియమించారు. ఈ సందర్భంగా చిలుక మధుసూదన్ రెడ్డి మాట్లాడుతూ.. రైతులకు న్యాయం చేసేందుకు కృషి చేస్తానన్నారు. తమను గుర్తించిన సీఎం రేవంత్ రెడ్డికి, కాంగ్రెస్ పార్టీ ముఖ్య నాయకులకు ధన్యవాదాలు తెలిపారు. ఇక నుంచి మరింత ఉత్సాహంతో పనిచేస్తానని చెప్పారు.
చేవెళ్ల మార్కెట్కమిటీ చైర్మన్గా పెంటయ్య గౌడ్
చేవెళ్ల వ్యవసాయ మార్కెట్ కమిటీ పాలకవర్గాన్ని శుక్రవారం ప్రభుత్వం ప్రకటించింది. నూతన మార్కెట్ కమిటీ చైర్మన్ గా గడ్డమీది పెంటయ్య గౌడ్, వైస్ చైర్మన్గా బ్యాగరి రాములును, 10 మందిని డైరెక్టర్లుగా నియమించింది.
