హనుమాన్(HanuMan) మూవీ టీమ్ కీలక ప్రకటన చేశారు. తమ సినిమా ప్రతీ టికెట్ పైన రూ.5 అయోధ్య రామమందిరానికి విరాళంగా ఇస్తున్నట్లుగా ప్రాకటించారు. ప్రస్తుతం ఈ న్యూస్ నేషనల్ వైడ్ ట్రెండ్ అవుతోంది. సంక్రాంతి కానుకగా జనవరి 12న వస్తున్న ఈ సినిమాను టాలెంటెడ్ డైరెక్టర్ ప్రశాంత్ వర్మ(Prashanth varma) తెరకెక్కిస్తుండగా.. యంగ్ హీరో తేజ సజ్జ(Teja Sajja) హీరోగా నటిస్తున్నారు. సూపర్ హీరో కాన్సెప్ట్ తో వస్తున్న ఈ సినిమాపై ప్రేక్షకుల్లో ఇప్పటికే భారీ అంచనాలు నెలకొన్నాయి. అందుకే తగ్గట్టుగానే ట్రైలర్ కూడా ఉండటంతో ప్రేక్షకులు ఈ సినిమా కోసం ఈగర్ గా వెయిట్ చేస్తున్నారు. సంక్రాంతి కానుకగా జనవరి 12న థియేటర్స్ లోకి రానుంది.
తాజాగా హనుమాన్ ప్రీ రిలీజ్ ఈవెంట్ ను నిర్వహించారు మేకర్స్. ఈ ఈవెంట్ కు మెగాస్టార్ చిరంజీవి చీఫ్ గెస్ట్ గా హాజరయ్యారు. ఈ సందర్బంగా ఆయన హనుమాన్ సినిమా గురించి మాట్లాడుతూ.. ఈ ప్రపంచంలో హనుమాన్ ను మించిన సూపర్ హీరో లేరు. ఇదే మాట నేను ఒక ఇంటర్వ్యూలో చెప్పాను. ఇప్పుడు అదే కాన్సెప్ట్ తో సినిమా రావడం ఆనందంగా ఉంది. ఈ సినిమా ట్రైలర్ అద్భుతంగా అనిపించి వెంటనే ప్రశాంత్ వర్మ గురించి తెలుసుకున్నాను. ఈ సినిమా కచ్చితంగా ప్రేక్షకులను ఆకట్టుకుంటుందనడంలో ఎలాంటి సందేహం లేదు.. అంటూ చెప్పుకొచ్చారు చిరంజీవి.
ఈ సందర్బంగా హనుమాన్ మూవీ టీమ్ కీలక ప్రకటన చేశారు. హనుమాన్ సినిమా ప్రతీ టికెట్ పైన రూ.5 అయోధ్య రామ మందిరానికి విరాళంగా ఇస్తున్నట్లు ప్రకటించారు. దీంతో నెటిజన్స్ నుండి హనుమాన్ టీమ్ కు ప్రశంసలు దక్కుతున్నాయి.
