కాంగ్రెస్ అగ్రనేత, ఏఐసీసీ చైర్ పర్సన్ సోనియా గాంధీ ఆత్మకథ విడుదలకు లైన్ క్లియర్ అయ్యింది. ఆమె ఆత్మకథ బిలాంగింగ్: ఏ జర్నీ ఆఫ్ లవ్.. అనే పుస్తకాన్ని ప్రచురించేందుకు హార్పర్ కోలిన్స్ ఇండియా ముందుకు వచ్చింది. 2026 నవంబర్ 10న విడుదల చేయనున్నట్లు సెప్టెంబర్ 4 (శుక్రవారం) ప్రకటించింది.
ఈ పుస్తకం ఇప్పటికే విడుదల కావాల్సి ఉంది. అయితే ఈ బుక్ పై వివాదం నెలకొన్న వేళ పెంగ్విన్ పబ్లిషర్స్ విడుదల నిర్ణయాన్ని వెనక్కు తీసుకున్నారు. అయితే లేటెస్టుగా సోనియా గాంధీ మెమోయిర్, Belonging: A Journey of Love ను నవంబర్ లో పబ్లిష్ చేయనున్నట్లు ప్రకటించింది.
ఇటలీ యుద్ధం తర్వాత... చిన్న నాటి జీవితం.. ఆ తర్వాత ఇండియాలో ఆమె జీవితం, మాజీ ప్రధాని రాజీవ్ గాంధీతో వివాహం, భారత్ లో దశాబ్దాలుగా ఆమె రాజకీయ జీవితం మొదలైన అంశాలను ఈ మెమోయిర్ లో ప్రస్థావించారు.
మన కాలంలో ఎంతో ఆసక్తిగా ఎదురుచూస్తున్న రాజకీయ జ్ఞాపకాలలో ఒకటి.. అని పబ్లిషర్స్ హార్పర్ కొలిన్స్ పేర్కొన్నారు.
పెంగ్విన్ ఇండియా ఈ పుస్తకాన్ని ప్రచురించకూడదు అని నిర్ణయించుకున్న తర్వాత హార్పర్ కొలిన్స్ ఈ నిర్ణయం ప్రకటించడం విశేషం. అయితే ఈ పుస్తకంలో కొన్ని మారపులు చేర్పులు చేయాల్సిందిగా పబ్లిషర్స్ కోరినప్పటికీ.. సోనియా గాంధీ టీమ్ అంగీకరించలేదని తెలుస్తోంది.
అమెరికాకు చెందిన పెంగ్విన్ రాండమ్ హౌస్ అనుబంధ సంస్థ అయిన ఆల్ఫ్రెడ్ ఎ నాఫ్, ఈ పుస్తకాన్ని నవంబర్ 10న ప్రపంచవ్యాప్తంగా విడుదల చేయనున్నట్లు ప్రకటించడంతో వివాదం మొదలైంది. ఆ తర్వాత ఈ పుస్తకాన్ని తాము ప్రచురించడం లేదని పెంగ్విన్ ఇండియా ప్రకటించింది.
ALSO READ : నూడుల్స్ వేస్టేజ్తో భుజియా తయారీ.. ప్రముఖ కంపెనీ బ్రాండ్స్ సీజ్
ప్రధాన మంత్రి నరేంద్ర మోదీ, ఆర్ఎస్ఎస్ (RSS) , భారత్-చైనా సంబంధాలకు సంబంధించిన అంశాలను తొలగించాలని పెంగ్విన్ ఇండియా కోరిందని కాంగ్రెస్ నాయకులు ఆరోపించడంతో ఈ రాజకీయ వివాదం తలెత్తింది. పెంగ్విన్ ఇండియా తీసుకున్న ఈ నిర్ణయం ఒత్తిడి కారణంగానే జరిగినట్లు ఆరోపణలు వచ్చాయి.
HarperCollins India will publish Belonging: A Journey of Love by Sonia Gandhi. The long-awaited memoir will be published in India on 10 November 2026.
— HarperCollins (@HarperCollinsIN) September 4, 2026
One of the most anticipated political memoirs of our time, Belonging is a dramatic and deeply personal story of love, identity,… pic.twitter.com/cNWuNRgXXP
