- విండీస్పై 3–0తో టీ20 సిరీస్ క్లీన్స్వీప్
టీ20 వరల్డ్కప్ నేపథ్యంలో టీమిండియా చేసిన బౌలింగ్ప్రయోగాలు సక్సెస్ అయ్యాయి..! ఆఖరి టీ20లో కుర్రాళ్లను బరిలోకి దింపినా.. ఫలితంలో తేడా రాకుండా చూసుకుంది..! యువ పేసర్ దీపక్చహర్ (3–1–4–3) తనకు ఇచ్చిన అవకాశాన్ని రెండు చేతులా ఒడిసి పట్టుకోగా, అతని సోదరుడు రాహుల్చహర్ (1/27) కూడా ఫర్వాలేదనిపించాడు..! ఈ ఇద్దరికి తోడుగా సైనీ (2/34) కూడా ఎక్స్ప్రెస్పేస్ వేగం చూపడంతో.. వరుసగా మూడో మ్యాచ్లోనూ నెగ్గిన విరాట్సేన పొట్టి ఫార్మాట్సిరీస్ను క్లీన్స్వీప్ చేసింది. ఓవరాల్గా వరల్డ్కప్వైఫల్యం తర్వాత కరీబియన్గడ్డపై సిరీస్ను చేజిక్కించుకున్న టీమిండియా.. రెట్టించిన ఆత్మవిశ్వాసంతో వన్డే, టెస్ట్సిరీస్కోసం సిద్ధమైంది..!
ఆధిపత్యానికి ఏమాత్రం తగ్గకుండా ఆడిన టీమిండియా.. కరీబియన్ గడ్డపై సత్తా చాటింది. పెద్ద టార్గెట్కాకపోయినా.. కెప్టెన్విరాట్కోహ్లీ (45 బంతుల్లో 6 ఫోర్లతో 59), రిషబ్ పంత్(42 బంతుల్లో 4 ఫోర్లు, 4 సిక్సర్లతో 65 నాటౌట్) నిలకడగా ఆడటంతో మంగళవారం జరిగిన మూడో టీ20లోనూ ఇండియా 7 వికెట్ల తేడాతో వెస్టిండీస్పై గెలిచింది. ఫలితంగా మూడు మ్యాచ్ల సిరీస్ను 3–0తో క్లీన్స్వీప్చేసింది. ముందుగా బ్యాటింగ్చేసిన విండీస్20 ఓవర్లలో 6 వికెట్లకు 146 రన్స్ చేసింది. పొలార్డ్(45 బంతుల్లో 1 ఫోర్, 6 సిక్సర్లతో 58) హాఫ్ సెంచరీ చేశాడు. ఏడేళ్ల తర్వాత విండీస్తరఫున అతను ఫిఫ్టీ మార్క్ను అందుకున్నాడు. పావెల్(20 బంతుల్లో 1 ఫోర్, 2 సిక్సర్లతో 32 నాటౌట్) చెలరేగాడు. తర్వాత బ్యాటింగ్కు దిగిన ఇండియా 19.1 ఓవర్లలో 3 వికెట్లకు 150 పరుగులు చేసి నెగ్గింది. ఔట్ఫీల్డ్తడిగా ఉండటంతో మ్యాచ్దాదాపు గంటన్నర ఆలస్యంగా మొదలైంది.
పొలార్డ్ కేక..
టాస్గెలిచిన విరాట్ వాతావరణ పరిస్థితులను బట్టి ఫీల్డింగ్ఎంచుకున్నాడు. ఈ నిర్ణయం కరెక్టేనని యువ పేసర్ దీపక్చహర్ నిరూపించాడు. భువనేశ్వర్ తో కలిసి కొత్త బంతిని పంచుకున్న దీపక్.. తన తొలి రెండు ఓవర్లలోనే మూడు స్ట్రయిక్ వికెట్లు తీసి విండీస్ కు శుభారంభం దక్కకుండా చూశాడు. కేవలం ఏడు బంతుల తేడాలో నరైన్(2), లూయిస్(10), హెట్మయర్(1)ను ఔట్చేశాడు. 14/3 స్కోరు వద్ద క్రీజులోకి వచ్చిన పొలార్డ్.. రెచ్చిపోయాడు. భువీ స్థానంలో బౌలింగ్కు వచ్చిన సైనీకి తొలి సిక్సర్ రుచి చూపించాడు. దీపక్మూడు ఓవర్లు వేసి పక్కకు తప్పుకోగా, ఆ స్థానంలో అతని సోదరుడు రాహుల్ చహర్ (9వ ఓవర్) బౌలింగ్కు దిగాడు. అయినా పొలార్డ్.. లాంగాఫ్, బౌలర్ నెత్తి మీద నుంచి రెండు టవరింగ్ సిక్సర్లు బాదాడు. సుందర్ వేసిన తర్వాతి ఓవర్లోనూ మరో సిక్సర్ కొట్టి జోరు పెంచాడు. ఓవరాల్గా పవర్ప్లేలో 22/3 గా ఉన్న స్కోరును 10 ఓవర్లు ముగిసేసరికి 58/3కి పెంచాడు. సహచరుడిని స్ఫూర్తి గా తీసుకున్న పూరన్(17) కూడా క్రునాల్పాండ్యా బంతిని స్టాండ్స్లోకి పంపినా.. 14 ఓవర్ (సైనీ) తొలి బంతికి వికెట్సమర్పించుకున్నాడు. దీంతో నాలుగో వికెట్కు 66 రన్స్ భాగస్వామ్యం ముగిసింది. పావెల్ నిలకడగా ఆడినా.. పాండ్యా వేసిన 15వ ఓవర్లో పొలార్డ్ రెండు భారీ సిక్సర్లతో 16 రన్స్పిండుకున్నాడు. ఈ క్రమంలో 40 బంతుల్లో హాఫ్సెంచరీ పూర్తి చేశాడు. 15 ఓవర్లు ముగిసేసరికి టీమ్స్కోరును 100/4కు చేర్చిన పొలార్డ్ కు 16వ ఓవర్లో సైనీ ఊహించని షాకిచ్చాడు. ఓ అద్భుతమైన బంతితో పొలార్డ్మిడిల్స్టంప్ను ఎగరగొట్టడంతో ఐదో వికెట్కు 25 పరుగులు సమకూరాయి. భారీ ఆశలు పెట్టుకున్న కెప్టెన్ బ్రాత్వైట్(10) ఓ సిక్సర్ కొట్టి ఔటైనా.. చివర్లో పావెల్, అలెన్(8 నాటౌట్) అల్లాడించారు. ఏడు బంతుల వ్యవధిలో మూడు భారీ సిక్సర్లు బాదడంతో విండీస్ గౌరవప్రదమైన టార్గెట్ను నిర్దేశించింది.
కోహ్లీ, పంత్ అదుర్స్
టార్గెట్ఛేజింగ్లో ఎదుర్కొన్న మూడో బాల్ను సిక్సర్గా మలిచి రాహుల్(20) టచ్లోకి వచ్చినా.. ఇండియాకు సరైన ఆరంభం లభించలేదు. రెండో ఓవర్లో ఓ షార్ట్బాల్కు ధవన్(3) ఔట్కాగా, ఐదో ఓవర్లో రాహుల్ అనవసరంగా వికెట్ పారేసుకున్నాడు. అలెన్బంతిని క్రీజు వదిలి ఆడే క్రమంలో అతను స్టంపౌటయ్యాడు. దీంతో 27 పరుగులకే టీమిండియా 2 వికెట్లు కోల్పోయి కష్టాల్లో పడింది. దీంతో ఇన్నింగ్స్ను ఆదుకునే భారం కెప్టెన్కోహ్లీ, రిషబ్ పై పడింది. పవర్ప్లే ముగిసేసరికి ఇండియా 34/2 స్కోరు చేసింది. తర్వాత విరాట్– పంత్ జోడీ వేగంగా సింగిల్స్తీయడంతో పాటు అవసరమైనప్పుడల్లా బౌండరీలు బాదారు. దీంతో 4 ఓవర్లలో 28 పరుగులు రావడంతో ఇండియా స్కోరు 10 ఓవర్లలో 62/2 స్కోరుకు చేరింది. అయితే మ్యాచ్మిడిల్ ఓవర్లో నరైన్, బ్రాత్వైట్ రన్స్కట్టడి చేసే ప్రయత్నం చేసినా.. కోహ్లీ మంచి డ్రైవ్స్తో ఆడాడు. అప్పటివరకు మెల్లగా ఆడిన పంత్.. పాల్బౌలింగ్లో భారీ సిక్సర్ తో బ్యాట్ ఝుళిపించాడు. విరాట్ఫోర్లకే పరిమితమైతే, పంత్ మాత్రం బంతిని స్టాండ్స్లోకి పంపేందుకు ప్రయత్నించాడు. దీంతో 14, 15, 16 ఓవర్లలో వరుసగా 10, 14, 11 రన్స్రావడంతో ఇండియా 120 స్కోరుతో గెలుపు దిశగా పయనించింది. ఈ క్రమంలో ఇద్దరు చెరో 37 బంతుల్లో హాఫ్ సెంచరీలు పూర్తి చేశారు.17వ ఓవర్లో పంత్ఓ ఫోర్కొట్టడంతో ఇండియా విజయానికి 18 బంతుల్లో 18 రన్స్అవసరమయ్యాయి. థామస్వేసిన 18వ ఓవర్తొలి బంతి వికెట్లకు తాకినా, బెయిల్స్కిందపడలేదు. కానీ ఈ సంతోషం కోహ్లీకి ఎక్కువసేపు నిలవలేదు. మూడో బంతికే భారీ షాట్కు ప్రయత్నించి పాయింట్లో లూయిస్ చేతికి చిక్కాడు.
స్కోరు బోర్డ్..
వెస్టిండీస్: లూయిస్ (ఎల్బీ) దీపక్చహర్ 10, నరైన్(సి) సైనీ (బి) దీపక్ చహర్2, హెట్ మయర్(ఎల్బీ) దీపక్చహర్1, పొలార్డ్(బి) సైనీ 58, పూరన్ (సి) పంత్ (బి) సైనీ 17, పావెల్ (నాటౌట్) 32, బ్రాత్వైట్(సి) సుందర్ (బి) రాహుల్చహర్ 10, అలెన్(నాటౌట్) 8, ఎక్స్ట్రాలు: 8, మొత్తం: 20 ఓవర్లలో 146/6.
వికెట్ల పతనం: 1–4, 2–13, 3–14, 4–80, 5–105, 6–119.
బౌలింగ్: భువనేశ్వర్3–0–19–0, దీపక్చహర్ 3–1–4–3, సైనీ 4–0–34–2, రాహుల్చహర్3–0–27–1, సుందర్3–0–23–0, క్రునాల్4–0–35–0.
ఇండియా: రాహుల్ (సి) పూరన్(బి) అలెన్20, ధవన్(సి) కొట్రెల్ (బి) థామస్3, కోహ్లీ (సి) లూయిస్(బి) థామస్59, రిషబ్ (నాటౌట్) 65, పాండే (నాటౌట్) 2, ఎక్స్ట్రాలు: 1, మొత్తం: 19.1 ఓవర్లలో 150/3. వికెట్లపతనం: 1–10, 2–27, 3–133. బౌలింగ్: కొట్రెల్4–0–26–0, థామస్4–0–29–2, అలెన్, నరైన్4–0–29–0, బ్రాత్వైట్2.1–0–25–0, పాల్2–0–23–0.
