ఆయుధ, రక్షణ వ్యవస్థ స్వావలంబనలో భాగంగా దేశీయంగా తొలిసారి అభివృద్ధి చేసిన సూసైడ్(ఆత్మాహుతి) డ్రోన్ నాగాస్త్ర–1 భారత సైన్యంలోకి చేరింది. నాగపూర్కు చెందిన దేశీయ కంపెనీ సోలార్ ఇండస్ట్రీస్ ఎకనామిక్స్ ఎక్స్ప్లోజివ్స్ లిమిటెడ్(ఈఈఎల్) ఈ సూసైడ్ డ్రోన్ను అభివృద్ధి చేసింది.
నాగాస్త్ర–1 శత్రువులపై దాడి చేయగలదు. అవసరమైతే దాడిని ఆపగలిగే సామర్థ్యం కలిగి ఉంది. ఇది దాడి చేసి సురక్షితంగా తిరిగి రాగలదు. లక్ష్యానికి పైన హోవర్ చేయగల సామర్థ్యం ఉండటంతో దీనికి లాటరింగ్ వెపన్ అని పేరు పెట్టారు. ఇది 4500 మీటర్ల కంటే ఎక్కువ ఎత్తులో రాడార్ వ్యవస్థకు చిక్కకుండా లక్ష్యాన్ని ఛేదిస్తుంది. ఉదాహరణకు ఒక నిర్దిష్ట టైంలో నిర్దిష్ట ప్రదేశానికి వెళ్లడానికి ఒక మిలిటెంట్ను తీసుకెళ్లే కార్వాన్ను నాగాస్త్ర గాలిలో తిరుగుతూ లక్ష్యంపై దాడి చేయగలదు.
ఇది కామికేజ్ మోడ్లో దాడి చేస్తుంది. లక్ష్యాన్ని నాశనం చేయడంతోపాటు అది కూడాస్మాష్ అవుతుంది. అందుకే దీనిని సూసైడ్ డ్రోన్ అని పిలుస్తారు.రక్షణ రంగంలో మేక ఇన్ ఇండియా కింద, భారత సైన్యం 480 నాగాస్త్ర–1 డ్రోన్లను ఈఈఎల్కు ఆర్డర్ చేసింది. ఈ ఒప్పందం విలువ రూ.300 కోట్లు.
