ఇన్స్టాగ్రామ్ నోట్స్ ఫీచర్కి మరో అప్గ్రేడ్ వచ్చింది. యూజర్లు నోట్స్గా షార్ట్ వీడియోలను షేర్ చేసుకోవచ్చు. యూజర్లు మెసేజ్ సెక్షన్ నుంచి పైన ఉన్న షార్ట్ టెక్స్ట్ నోట్స్ ఈజీగా షేర్ చేసుకోవచ్చు.
పోయినేడాది ఇన్స్టాగ్రామ్ ప్లాట్ ఫాం నోట్స్ ఫీచర్ని తెచ్చింది. అప్పటి నుంచి నోట్స్ ఫీచర్కి అనేక అప్డేట్లు వచ్చాయి. వాటి ద్వారా యూజర్లు షార్ట్ మ్యూజిక్, వాయిస్ నోట్స్ షేర్ చేసేందుకు వీలుంటుంది. ఇప్పుడు దాంతో డైరెక్ట్ మెసేజ్ సెక్షన్ పైన రెండు సెకన్ల షార్ట్ వీడియో నోట్లను షేర్ చేసుకునే వీలు కల్పించింది.
నోట్స్ అప్లోడ్
యూజర్లు తమ డైరెక్ట్ మెసేజింగ్ సెక్షన్ యాక్సెస్ చేయాలి. ఇన్స్టాగ్రామ్ యాప్ని ఓపెన్ చేసి ఇన్బాక్స్కి నావిగేట్ చేయాలి. నోట్స్లో ప్రొఫైల్ ఫొటోను సెలక్ట్ చేసుకోవాలి. నోట్స్ ట్రేలో ఉన్న యూజర్ ఫొటోపై ట్యాప్ చేయాలి. ఆ తర్వాత రికార్డింగ్ ప్రాసెస్ స్టార్ట్ చేయడానికి కెమెరా ఐకాన్ క్లిక్ చేయాలి. వీడియోని క్యాప్చర్ చేయడానికి ఫ్రంట్ కెమెరా ఆన్ చేయాలి. వీడియో రికార్డ్ చేసి నోట్స్ సెండ్ చేయొచ్చు. పోస్ట్ చేసేముందు టెక్స్ట్ క్యాప్షన్ ఇవ్వొచ్చు.
వీడియో నోట్ని పోస్ట్ చేశాక అది 24 గంటలపాటు ఫాలోవర్స్, ఫ్రెండ్స్కి కనిపిస్తుంది. ఈ నోట్స్కి రిప్లయ్ ఇవ్వాలంటే ఇన్స్టా ఓపెన్ చేసి, డైరెక్ట్ మెసేజ్ సెక్షన్కి వెళ్లాలి. రిప్లయ్ డాక్యుమెంట్ ఓపెన్ చేసి వీడియో నోట్పై క్లిక్ చేయాలి. ఫొటో, వీడియో, జిఫ్ లేదా ఆడియో నోట్స్ పంపడానికి మెసేజ్ టైప్ చేసి, ఆప్షన్లను సెలక్ట్ చేయాలి.
