బషీర్ బాగ్ లోని మీనాక్షి, మంజీరా కెమికల్స్ ప్రధాన కార్యాలయాల్లో రెండో రోజు ఐటీ సోదాలు కొనసాగుతున్నాయి. హైదరాబాద్ లో మూడు చోట్ల, గుంటూరులో రెండు చోట్ల ఈ తనిఖీలు సాగుతున్నట్టు సమాచారం. ఈ మేరకు మొత్తం 14 బృందాలతో కలిసి ఏకకాలంలో ఆదాయపు పన్ను అధికారులు సోదాలు నిర్వహిస్తున్నట్టు తెలుస్తోంది.
గుంటూరు, రాజమండ్రిలోని మంజీరా కెమికల్స్ కార్యాలయాల్లోనూ అధికారులు సోదాలు జరిపినట్లు సమాచారం. ఆ సంస్థ డైరెక్టర్ సురేష్ రెడ్డి ఇంట్లోనూ ఐటీ ఆఫీసర్లు సెర్చింగ్ చేస్తు్న్నట్టు తెలుస్తోంది. దీనికి సంబంధించిన మరిన్ని వివరాలు తెలియాల్సి ఉంది.
