బీదర్: కరోనా విజృభిస్తున్నందున అవసరమైతే తమ రాష్ట్రంలో లాక్ డౌన్ వేయడానికీ వెనుకాడబోమని కర్నాటక సీఎం బీఎస్ యడ్యూరప్ప అన్నారు. ' వైరస్ బారిన పడకుండా ఉండేందుకు, తమ బాగు కోసమైనా ప్రజలు జాగ్రత్తలు పాటించాలి. ఒకవేళ వారు మాట వినకుండా అలసత్వం ప్రదర్శిస్తే మాత్రం మేం కఠిన చర్యలు తీసుకుంటాం. అవసరమైతే లాక్ డౌన్ కూడా విధిస్తాం' అని యడ్డీ స్పష్టం చేశారు. కరోనా వ్యాప్తి ఎక్కువగా ఉన్న జిల్లాల్లో ముందు జాగ్రత్తగా రాత్రి పూట కర్ఫ్యూ విధించామని తెలిపారు. ప్రజలు సహకరిస్తే కరోనా సెకండ్ వేవ్ ను ఓడించగలమని చెప్పారు.
