హైదరాబాద్, వెలుగు : ఖైరతాబాద్ వాటర్ వర్క్స్ లో సీనియర్అసిస్టెంట్గా పనిచేస్తున్న రాకేశ్ లంచం తీసుకుంటూ ఏసీబీ అధికారులకు చిక్కారు. అక్బర్ హుస్సేన్ అనే వ్యక్తి పెండింగ్ బిల్లుల మంజూరు, లీజ్ లైసెన్స్ రెన్యూవల్కోసం రాకేశ్ వద్దకు వెళ్లారు. పని పూర్తి చేసేందుకు రాకేశ్ లక్ష రూపాయలు డిమాండ్ చేశారు. దాంతో అక్బర్ హుస్సేన్ ఏసీబీ అధికారులను సంప్రదించారు. శుక్రవారం రాకేశ్ అనుచరుడైన ఔట్ సోర్సింగ్ ఉద్యోగి సందీప్ కు అక్బర్ హుస్సేన్ డబ్బులు ఇస్తుండగా ఏసీబీ అధికారులు రెడ్ హ్యాండెడ్గా పట్టుకున్నారు. ఇద్దరిని అరెస్ట్ చేసిన అధికారులు వారిని రిమాండ్ కు తరలించారు.
