కట్ట కింది భాగం నుంచి లీకేజీ
సిద్దిపేట, వెలుగు: కొండపోచమ్మ సాగర్ రిజర్వాయర్ కట్టకు చిన్న బుంగలు పడి నీరు లీకవుతున్నది. సిద్దిపేట జిల్లాలోని మార్కుక్లోని బీరప్ప ఆలయం దగ్గర మూడు చోట్ల చిన్న చిన్న బుంగలు పడ్డాయి. రిజర్వాయర్ను ప్రారంభించి మూడునెలలైనా కాకముందే రివీట్మెంట్కింద బుంగలు ఏర్పడటంతో స్థానికులు ఆందోళన చెందుతున్నారు. బుంగలు పడ్డ చోటికి పెద్దసంఖ్యలో జనాలు వస్తుండడంతో వారిని అడ్డుకోవడానికి పోలీసులను నియమించారు. ప్రస్తుతం రిజర్వాయర్లో ఆరు టీఎంసీల నీరుంది. కొత్తగా కట్టిన ప్రాజెక్టు కట్ట నుంచి నీరు లీకయ్యే అవకాశం ఉన్నా నీళ్లు వరదలా రావడంతో క్వాలిటీపై అనుమానాలు వ్యక్తమవుతున్నాయి. రివిట్మెంట్ మీద మట్టితో కప్పి ప్రవాహాన్ని ఆపడానికి ప్రయత్నించినా లీకేజీ కొనసాగుతోంది.
For More News..