ప్రపోజల్ ఉందన్న మంత్రి ఇంద్రకరణ్
హైదరాబాద్, వెలుగు: యాదాద్రి ఆలయ గోపురానికి దాతలు ఇచ్చే బంగారంతో పూత వేయించే ప్రపోజల్ ఉందని మంత్రి ఇంద్రకరణ్ రెడ్డి తెలిపారు. గురువారం దేవాలయాల అభివృద్ధిపై ప్రశ్న సందర్భంగా శాసన మండలి ప్రొటెం చైర్మన్‌ భూపాల్ రెడ్డి మాట్లాడుతూ.. తిరుమల మాదిరి దాతల నుంచి బంగారం సేకరించి ఆలయ ద్వారాలు, గోపురానికి బంగారు పూత వేయించేలా చర్యలు తీసుకోవాలని సూచించారు. దీనిపై స్పందించిన మంత్రి ఆ ప్రపోజల్ తమ దృష్టిలో ఉందని, ఇప్పటికే గోపురానికి బంగారు పూతపై సూత్రప్రాయ నిర్ణయం తీసుకున్నామని చెప్పారు. కోర్టు భవనాలపై ప్రశ్న సందర్భంగా మట్లాడిన ఇంద్రకరణ్ రెడ్డి.. 72 న్యాయస్థానాలు అద్దె భవనాలలో పనిచేస్తున్నాయని, త్వరలోనే వాటన్నింటికీ కొత్త బిల్డింగులు కడుతామన్నారు.
