హైదరాబాద్, వెలుగు: ఖాజాగూడాలోని స్పర్శ్ హాస్పిస్లో శనివారం వరల్డ్ హాస్పిస్, పాలెటివ్ కేర్ డే ప్రోగ్రామ్ను నిర్వహించారు. చీఫ్ గెస్టులుగా హాజరైన ఐటీ శాఖ ప్రిన్సిపల్ సెక్రటరీ జయేశ్ రంజన్, సినీ నటుడు రానా చిన్నపిల్లల కోసం 10 బెడ్స్తో ఏర్పాటు చేసిన పీడియాట్రిక్ పాలెటివ్ కేర్ వార్డును ప్రారంభించారు. అనంతరం రానా వార్డులోని చిన్నారులతో సెల్ఫీలు దిగుతూ సరదాగా గడిపారు. స్పర్శ్హాస్పిస్కు రావడం సంతోషంగా ఉందన్నారు.
జయేశ్ రంజన్ మాట్లాడుతూ.. స్పర్శ్ హాస్పిస్ ఉచితంగానే క్యాన్సర్ బాధితులకు మనోధైర్యాన్ని అందిస్తోందన్నారు. 11 ఏండ్లలో 5,500 మంది పేషెంట్లకు ఉచితంగా సేవలందించిందన్నారు. కార్యక్రమంలో రెయిన్బో హాస్పిటల్స్ చైర్మన్, ఎండీ డాక్టర్ రమేష్ కంచర్ల, బంజారాహిల్స్ రోటరీ క్లబ్ ప్రెసిడెంట్ ప్రభాకర్ దూలపూడి, స్పెషల్ చీఫ్ సెక్రటరీ రాణి కుముదిని, రోటరీ క్లబ్ లాంగ్ టర్మ్ ట్రస్టీ జగదీశ్ తదితరులు పాల్గొన్నారు.
