పీఎం కిసాన్ యోజనకు అప్లై చేసుకోవడానికి అవకాశం

V6 Velugu Posted on Jun 11, 2021

  • ఈనెల 30లోగా దరఖాస్తు చేసుకుంటే డబుల్ బెనిఫిట్

న్యూఢిల్లీ: ప్రధాన మంత్రి  కిసాన్ యోజన కోసం ఇంత వరకు దరఖాస్తు చేసుకోని లేదా నమోదు చేయని రైతులకు కేంద్ర ప్రభుత్వం ఒక సువర్ణావకాశాన్ని అందిస్తోంది. ఇంత వరకు నమోదు చేసుకోని వారు ఈనెల 30 వరకు దరఖాస్తు చేసుకునేందుకు మరో అవకాశం కల్పించడమే కాదు వెంట వెంటనే రెండు కంతుల డబ్బు  పొందే అవకాశం కల్పించింది. ఈ పథకం కింద దేశవ్యాప్తంగా కోట్లాది మంది రైతులకు ప్రభుత్వం ఆర్థిక సహాయం అందిస్తున్న విషయం తెలిసిందే. 
ప్రధాన మంత్రి నరేంద్ర మోడీ ప్రారంభించిన ప్రధాన మంత్రి కిసాన్ సమ్మన్ నిధి ఇప్పటివరకు భారతదేశంలోని 11 కోట్లకు పైగా రైతులకు ఆర్థికంగా ఉపయోగించుకున్నారు. ఈ పథకం కింద నమోదు చేసుకున్న రైతుల ఖాతాలో ఏటా రూ .6,000 అందిస్తుంది. ఈనెల 30 లోపు నమోదు చేసుకున్నరైతులు వెంటనే ఎనిమిదవ విడతలో భాగంగా జూలై 2021 లో పిఎం కిసాన్ పథకం కింద మొదటి విడత పొందుతారు. తర్వాత పథకం యొక్క తొమ్మిదవ విడత ఆగస్టులో విడుదల అవుతుంది. ఈ విధంగా, ఈ పథకం కోసం నమోదు చేయని రైతులు కొద్ది రోజుల వ్యవధిలో ప్రధాన మంత్రి కిసాన్ యోజన కింద రెట్టింపు ప్రయోజనాలను పొందవచ్చు. ఇప్పటి వరకు 9.5 కోట్ల మంది రైతుల ఖాతాలో ఈ పథకం కింద 20 వేల కోట్లు పంపిణీ చేశారు. 
పిఎం కిసాన్ యోజన నుండి డబుల్ బెనిఫిట్
పీఎం కిసాన్ యోజన కోసం ఇంకా నమోదు చేయని రైతులు ఈ పథకం యొక్క రెండు విడతలు ఒకేసారి పొందే అవకాశం వచ్చింది. ఈ పథకం నుండి రెట్టింపు ప్రయోజనాలు పొందాలంటే ఈనెల 30 లోపు ఈ పథకం కోసం నమోదు చేసుకోవాలి. పధకం ద్వారా కేంద్ర ప్రభుత్వ రైతుల బ్యాంక్ ఖాతాల్లోకి నేరుగా రూ.6 వేలు జమ చేస్తున్న విషయ తెలిసిందే. ప్రతి సంవత్సరం ఈ డబ్బులను అందించనుంది. వ్యక్తిగతంగా దరఖాస్తు చేసుకున్న రైతు 8 విడుతలుగా మొత్తం 16 వేల నగదు పొందుతాడు.  కానీ ఇవి ఒకేసారి కాకుండా.. విడతల వారీగా రైతుల బ్యాంక్ ఖాతాల్లోకి జమవుతాయి. ప్రతి విడతలో రూ.2 వేలు చొప్పున వస్తాయి. ఇప్పటికే ప్రభుత్వం 8 విడతలలో డబ్బులను రైతుల ఖాతాల్లోకి జమచేసింది.

Tagged pm kisan yojana, , last date june 30, farmers will get two instalments at once, how to apply pm kisan yojana

Latest Videos

Subscribe Now

More News