పర్వతగిరి, వెలుగు: ప్రేమించి పెళ్లి చేసుకున్న భార్యను చంపి ఏడేండ్ల క్రితం ఇంట్లో పూడ్చి పెట్టగా పోలీసులు సోమవారం తవ్వి తీశారు. రెండో భార్య హత్య కేసు విచారిస్తుండగా మొదటి భార్య మర్డర్విషయం ఇటీవల బయటపడింది. ఎంక్వైరీలో భాగంగా కోర్టు పర్మిషన్తో ఆ సైకో భర్తను సొంతూరికి తీసుకొచ్చారు. మామునూర్ ఏసీపీ నరేశ్ కుమార్, పర్వతగిరి సీఐ కిషన్తెలిపిన వివరాల ప్రకారం.. వరంగల్రూరల్జిల్లా పర్వతగిరి మండలం ఏనుగల్లుకు చెందిన కర్నె కిరణ్ ఏడేండ్ల క్రితం సంగెం మండలం గవిచర్లకు చెందిన చిలువేరు పద్మను ప్రేమించి పెళ్లి చేసుకున్నాడు. కొద్దిరోజుల తర్వాత అనుమానంతో ఆమెను వేధించి కొట్టి చంపేశాడు. ఆ విషయం ఎవరికీ తెలియకుండా ఇంట్లోనే పూడ్చిపెట్టాడు. పొరుగువారిని ఆమెకు విడాకులు ఇచ్చేసినట్లు నమ్మించాడు. తర్వాత వరంగల్ అర్బన్ జిల్లా కమాలాపూర్ మండలం ఉప్పల్కు చెందిన అంజలిని ప్రేమించి పెళ్లి చేసుకున్నాడు. కొన్ని నెలల తర్వాత కట్నం కోసం ఆమెను కూడా వేధించడం మొదలుపెట్టాడు. ఈనెల12న ఆమెతో గొడవపడి కర్రతో తలపై గట్టిగా కొట్టాడు. ఎంజీంఎంలో చికిత్స పొందుతూ చనిపోయింది. ఈ కేసులో పోలీసులు కిరణ్ను అరెస్టు చేసి విచారించగా మొదటి భార్య హత్య బయటపడింది. సోమవారం అతన్ని తీసుకుని పోలీసులు ఏనుగల్లులోని ఇంటికి వచ్చారు. పద్మను పూడ్చి పెట్టిన స్థలంలో ఫోరెన్సిక్ ఆఫీసర్ల సమక్షంలో తవ్వించారు. మృతురాలి అస్థిపంజరం బయటపడింది. దాన్ని డీఎన్ఏ టెస్టుకు పంపనున్నట్లు ఏసీపీ తెలిపారు. ఈ కార్యక్రమంలో తహసీల్దార్మహబూబ్అలీ, పర్వతగిరి సీఐ కిషన్, ఇన్చార్జ్ ఎస్సై సురేశ్, ట్రైనీ ఎస్సై రాజేందర్తదితరులు పాల్గొన్నారు.
