అగర్తల: ఈ నెల 16న త్రిపురలో జరిగే రోడ్ షోలో కాంగ్రెస్ జనరల్ సెక్రటరీ ప్రియాంక గాంధీ పాల్గొననున్నారు. రెండు లోక్సభ సెగ్మెంట్లు త్రిపుర వెస్ట్, త్రిపుర ఈస్ట్ నుంచి ఇండియా కూటమి తరఫున పోటీ చేస్తున్న అభ్యర్థుల తరఫున ఆమె ప్రచారం చేయనున్నారు.
ప్రియాంక అగర్తలకు రానున్నారని, రోడ్షో సందర్భం గా చౌముహాని వద్ద ఆమె ప్రసంగిస్తారని త్రిపుర కాంగ్రెస్ ఎమ్మెల్యే సుదీప్ రాయ్ బర్మాన్ శుక్రవారం మీడియాకు తెలిపారు. ఇండియా కూటమి ధర్మ యుద్ధం చేస్తోంద ని, ప్రతిఒక్కరూ పాల్గొని రోడ్షో సక్సెస్ చేయాలని కాంగ్రెస్ శ్రేణులను ఆయన కోరారు. త్రిపుర వెస్ట్ సెగ్మెంట్కు ఏప్రిల్ 19న, త్రిపుర ఈస్ట్ లోక్సభ సెగ్మెంట్కు ఏప్రిల్ 26న పోలింగ్ జరగనుంది.
