కిబితు: ఆర్మీ తొలి చీఫ్ ఆఫ్ డిఫెన్స్ స్టాఫ్ (సీడీఎస్) దివంగత జనరల్ బిపిన్ రావత్ స్మారకార్థం అరుణాచల్ ప్రదేశ్ కిబితులోని మిలటరీ స్టేషన్, రోడ్డుకు ఆయన పేరు పెట్టారు. చైనా బార్డర్కు దగ్గర్లోని ఈ మిలటరీ క్యాంప్ పేరును జనరల్ బిపిన్ రావత్ మిలటరీ గ్యారీసన్గా మార్చారు. వాలాంగ్ నుంచి కిబితు వరకు ఉన్న రోడ్డుకు జనరల్ బిపిన్ రావత్ మార్గ్ అని పేరు పెట్టారు. శనివారం జరిగిన ఈ కార్యక్రమానికి అరుణాచల్ ప్రదేశ్ గవర్నర్ బ్రిగేడియర్ బీడీ శర్మ, సీఎం పెమా ఖండూ, తూర్పు ఆర్మీ కమాండర్ లెఫ్టినెంట్ జనరల్ రానా ప్రతాప్ కలిత, రావత్ బిడ్డలు కృతిక, తరిణి తదితరులు హాజరయ్యారు. కాగా, రావత్ కల్నల్గా 1999 నుంచి 2000 వరకు కిబితులో 5/11 గోర్ఖా రైఫిల్స్ బెటాలియన్కు నాయకత్వం వహించారు.
