సౌత్ బ్యూటీ సాయిపల్లవి(Sai pallavi) బాలీవుడ్ బాట పట్టనుందా? అంటే అవుననే వార్తలు బలంగా వినిపిస్తున్నాయి. ఆమె బాలీవుడ్ ఎంట్రీపై చాలా కాలంగా వార్తలు వినిపిస్తూనే ఉన్నాయి. ఇక తాజాగా మరోసారి సాయి పల్లవి బాలీవుడ్ ఎంట్రీకి సంబందించిన సాలిడ్ న్యూస్ ఒకటి నెట్టింట చక్కర్లు కొడుతోంది.
బాలీవుడ్ మిస్టర్ పర్ఫెక్ట్ ఆమిర్ ఖాన్ తనయుడు జునైద్ ఖాన్ త్వరలోనే హీరోగా పరిచయం కానున్నాడు. ఈ సినిమాలో జునైద్కు జోడీగా సాయి పల్లవిని ఫిక్స్ చేసినట్టు జోరుగా ప్రచారం జరుగుతోంది. సునీల్ పాండే ఈ సినిమాకు దర్శకత్వం వహించనున్నాడు. అయితే ఇక్కడ విశేషం ఏంటంటే.. సాయి పల్లవి మాములు కమర్షియల్ సినిమాలు చేయడానికి పెద్దగా ఇష్టపడరు. ఆమె ఒక స్టోరీనీ సెలెక్ట్ చేసిందంటే.. అందులో పక్కాగా ఎదో ఒక విశేషం ఉండే ఉంటుంది. అంతేకాదు ఆ ప్రాజెక్టు వచ్చే హైప్ కూడా నెక్స్ట్ లెవల్లో ఉంటుంది.
Also Read :- ఒకే రూములో ఇద్దరు మరదళ్ల ముద్దుల బావ.. వైరల్ అవుతున్న డ్యాన్స్ వీడియో
ఇక ఆమె తెలుగులో చివరగా రానా హీరోగా వచ్చిన విరాటపర్వం సినిమాలో కనిపించారు. ఇప్పుడు చాలా గ్యాప్ తరువాత బాలీవుడ్ స్టోరీకి ఒకే చెప్పిందంటే.. ఆ సినిమాలో ఎదో విశేషం ఉండే ఉంటుంది అనే కామెంట్స్ వినిపిస్తున్నాయి. అయితే ఇప్పటివరకైతే ఇది రూమర్ గానే ఉంది. మరి ఇందులో నిజమెంత అనేది తెలియాలంటే అధికారిక ప్రకటన రావాల్సిందే.
