హైదరాబాద్, వెలుగు: ఆరోగ్య మహిళా క్లినిక్స్‌‌‌‌లో ఇప్పటివరకు 1.85 లక్షల మంది మహిళలకు వైద్య సేవలు అందించామని ఆరోగ్యశాఖ శనివారం ఓ ప్రకటనలో తెలిపింది. రాష్ట్రవ్యాప్తంగా 272 ప్రభుత్వ దవాఖాన్లలో ప్రతి మంగళవారం మహిళల కోసం, మహిళా డాక్టర్లతో స్పెషల్‌‌‌‌గా అవుట్ పేషెంట్ సేవలు అందిస్తున్నారు. అవసరమైన వారికి కావాల్సిన టెస్టులు చేయిస్తున్నారు. ఈ ఏడాది మార్చి 8 నుంచి ఈ కార్యక్రమం ప్రారంభం కాగా.. 1.85 లక్షల మంది మహిళలు ఈ సేవలను వినియోగించుకున్నారు.
ఇందులో ఐదుగురికి ఓరల్ క్యాన్సర్, 26 మందికి బ్రెస్ట్ క్యాన్సర్, 26 మందికి సర్వైకల్ క్యాన్సర్ ఉన్నట్టుగా డాక్టర్లు గుర్తించారు. వీళ్లందరినీ హైదరాబాద్‌‌‌‌లోని ఎంఎన్‌‌‌‌జే క్యాన్సర్హాస్పిటల్కు రెఫర్ చేసి, ఇక్కడ ట్రీట్‌‌‌‌మెంట్ అందిస్తున్నారు. మహిళల ఆరోగ్య సమస్యలను ప్రారంభంలోనే గుర్తించి, వారికి సకాలంలో వైద్యం అందించడమే లక్ష్యంగా ఈ కార్యక్రమాన్ని అమలు చేస్తున్నామని మంత్రి హరీశ్‌‌‌‌రావు ప్రకటించారు. మహిళలంతా ఈ సేవలను వినియోగించుకోవాలని ఆయన విజ్ఞప్తి చేశారు.
