హైదరాబాద్, వెలుగు: అసెంబ్లీలో గురువారం నుంచి బడ్జెట్ పద్దులపై చర్చించనున్నారు. ఉదయం 10 గంటలకు క్వశ్చర్ అవర్తో అసెంబ్లీ సమావేశాలు ప్రారంభమవుతాయి. తర్వాత పద్దులపై చర్చ ప్రారంభిస్తారు. సోషల్, మైనార్టీ, ట్రైబల్, ఉమెన్ అండ్ చైల్డ్, బీసీ వెల్ఫేర్, సివిల్ సప్లై, ఆర్ అండ్ బీ, స్టేట్ లెజిస్లేచర్, ఎక్సైజ్, స్పోర్ట్స్ – యూత్ సర్వీసెస్, టూరిజం పద్దులపై చర్చిస్తారు. అనంతరం ఆయా శాఖల మంత్రులు సభ్యులు అడిగిన ప్రశ్నలకు సమాధానమిస్తారు. ముందే నిర్ణయించిన షెడ్యూల్ ప్రకారం.. గురువారం మండలికి సెలవు ప్రకటించారు. సాధారణ బడ్జెట్పై బుధవారమే మండలిలో చర్చించారు. దానికి మంత్రి హరీశ్రావు సమాధానమిచ్చేందుకు గురువారం మండలిని సమావేశపరుస్తున్నారు. ఈ క్రమంలో మండలిలో క్వశ్చర్ అవర్ రద్దు చేస్తూ బులెటిన్ జారీ చేశారు.
