హైదరాబాద్, వెలుగు: రాష్ట్రంలోని స్థానిక సంస్థలకు రూ.283.65 కోట్లను ప్రభుత్వం రిలీజ్ చేసింది. ఆ నిధులు గ్రామ పంచాయ తీలు, మండల, జిల్లా పరిషత్ లకు అందాయి. ఇందులో గ్రామ పంచాయతీలకు రూ. 241.11 కోట్లు, మండల పరిషత్ లకు రూ. 28.36 కోట్లు, జిల్లా పరిషత్ లకు రూ.14.18 కోట్లు రిలీజ్అయ్యాయి. కాగా, గ్రామ పంచా యతీల్లో గత ఐదేండ్ల నుంచి పెండింగ్ బకాయి లు ఉండగా.. ఈ నిధులతో కొన్ని బిల్స్ క్లియర్ అయినట్టు అధికారులు చెప్తున్నారు.
మిగతా నిధులను దశల వారీగా ప్రభుత్వం రిలీజ్ చేయనుంది. గ్రామ పంచాయతీల పాలకవర్గాల పదవీ కాలం ఈ ఏడాది ఫిబ్రవరిలో ముగియగా.. అప్పటి నుంచి కేంద్ర ఆర్థిక సంఘం నిధులు ఆగిపోయాయి. 6 నెలల్లో ఎన్నికలు జరగాల్సి ఉండగా.. ఎంపీ ఎన్నికల కోడ్ నేపథ్యంలో ఎన్నికలు జరగలేదు. త్వరలో ఎలక్షన్స్ నిర్వహించేందుకు ప్రభుత్వం ఏర్పాట్లు చేస్తోంది.
