ములుగు(గోవిందరావుపేట), వెలుగు : చనిపోయిన బంధువు చివరి చూపు కోసం చత్తీస్గఢ్కు చెందిన గిరిజనులు పెద్ద సాహసమే చేశారు. భారీ వర్షాలను లెక్కచేయకుండా చంటిబిడ్డతో ఉధృతంగా ప్రవహిస్తున్న ఒర్రెను దాటారు. భూపాలపల్లి జిల్లా దూదేకులపల్లికి చెందిన ఓ మహిళ అనారోగ్యంతో చనిపోగా ఆమె బంధువులు 10మంది చత్తీస్గఢ్ నుంచి ప్రైవేటు వాహనంలో గోవిందరావుపేట మండలం పస్రా, నార్లాపూర్ మీదుగా దూదేకులపల్లి వెళ్లేందుకు వచ్చారు. వర్షాలతో పస్రా నుంచి నార్లాపూర్వెళ్లే దారిలో ప్రాజెక్టునగర్ వద్ద పాముల ఒర్రె తీవ్ర రోడ్డుపై ఉధృతంగా ప్రవహిస్తోంది. పోలీసులు ఆ వైపు ఎవరూ వెళ్లకుండా ట్రాక్టర్లు అడ్డుపెట్టారు. దీంతో ఒకరినొకరు పట్టుకొని వాగుదాటి దూదేకులపల్లికి వెళ్లారు. వీరిలో నెలల వయస్సున్న చంటిబిడ్డ ఉన్నా లెక్కచేయలేదు.
