మేడ్చల్ జిల్లా మేడిపల్లి పిఎస్ పరిధిలోని చెంగిచెర్ల వద్ద జరిగిన మర్డర్ మిస్టరీ ని పోలీసులు చేధించారు. చెంగిచెర్లకి చెందిన దుద్దేల పరమేష్(50) మంగళవారం కొందరు గుర్తు తెలియని వ్యక్తుల చేతిలో దారుణ హత్యకు గురయ్యాడు. ఈ హత్య పై కేసు నమోదు చేసుకొని దర్యాప్తు ప్రారంభించిన పోలీసులు.. చెంగిచెర్ల కు చెందిన బొమ్మ వెంకటేష్, సిలవేరు ప్రేమ్ సాయి, సిద్దాల బాను లు ఈ హత్య చేసినట్లు నిర్ధారించారు. మానసిక స్థితి బాగాలేని పరమేష్.. మంగళవారం రాత్రి తాగిన మత్తులో ఉన్న వెంకటేష్, ప్రేమ్ సాయి, బానులను దూషించాడు. అతని మాటలు విని కోపం పట్టలేకపోయిన ఆ ముగ్గురు పరమేష్ ని హత్య చేశారు. గురువారం ఆ ముగ్గురిని అరెస్టు చేసినట్లు మల్కాజిగిరి డీసీపి రక్షిత మూర్తి తెలిపారు. అరెస్ట్ అనంతరం పోలీసులు ఆ ముగ్గుర్ని రిమాండ్ కి తరలించారు.
