- స్కూల్ బస్సు కింద పడి చనిపోయిన మూడేండ్ల చిన్నారి
- రంగారెడ్డి జిల్లా యాచారంలోని తులేకుర్దులో విషాదం
యాచారం, వెలుగు : అక్క పుట్టిన రోజు నాడే విషాదం జరిగింది. స్కూల్ బస్సు కింద పడి ఆమె చెల్లి చనిపోయింది. ఈ ఘటన రంగారెడ్డి జిల్లా యాచారంలో జరిగింది. మండలంలోని తులేకుర్దు గ్రామానికి చెందిన మేకల శివనందు, జ్యోతి దంపతులకు ఇద్దరు కూతుళ్లు తన్విక, చిన్ను(3) ఉన్నారు. తన్విక ఇబ్రహీంపట్నంలోని టీఆర్ఆర్ స్కూల్లో ఎల్కేజీ చదువుతోంది. శుక్రవారం తన్విక పుట్టినరోజు. ఉదయం ఆమె స్కూల్కు వెళ్లింది. సాయంత్రం స్కూల్ బస్సులో ఇంటికి వచ్చింది. డ్రైవర్ బస్సును ఇంటి ముందు ఆపగానే తన్వికను తీసుకెళ్లేందుకు ఆమె తల్లి జ్యోతి ఇంట్లో నుంచి బయటికి వచ్చింది.
ALSO READ: మంత్రాలు చేస్తున్నారని చెట్టుకు కట్టేసిన్రు
అదే టైమ్లో చిన్న కూతురు చిన్ను కూడా బయటికి వచ్చి బస్సు వెనుక నిల్చుంది. దీన్ని గమనించని డ్రైవర్.. బస్సును రివర్స్ తీశాడు. బస్సు టైర్ల కింద పడి చిన్ను అక్కడికక్కడే మృతి చెందింది. స్థానికులు రోడ్డుపై బైఠాయించి స్కూల్ మేనేజ్మెంట్కు వ్యతిరేకంగా నినాదాలు చేశారు. బస్సు డ్రైవర్ను శిక్షించాలని, బాధిత కుటుంబానికి న్యాయం చేయాలని డిమాండ్ చేశారు. యాచారం పోలీసులు కేసు ఫైల్ చేసి దర్యాప్తు చేపట్టారు.
