యాపిల్ ప్రొడక్ట్స్ని వాడేవాళ్లకు గుడ్న్యూస్. త్వరలోనే టెన్త్ జనరేషన్ ఐపాడ్తో పాటు ఎం2 చిప్ సిలికాన్ మ్యాక్ పవర్తో నడిచే మ్యాక్లు రాబోతున్నాయి. మైక్రోసాఫ్ట్ ఇమేజెస్లో మార్పులతో ఇకపై ఐ క్లౌడ్ నుంచి ఫొటోలు పంపడం ఈజీ. అంతేకాదు ట్విట్టర్లో రానున్న కొత్త ఫీచర్తో ఎవరుపడితే వాళ్లు ట్వీట్స్లో మెన్షన్ చేయడం సాధ్యం కాదు. అలానే సెన్సిటివ్ కంటెంట్ 18 ఏండ్ల వయసు వాళ్ల కంటపడకుండా మరో ఫీచర్ తెస్తోంది ట్విట్టర్. ఇవేకాకుండా నెట్ఫ్లిక్స్లో ‘బేసిక్ విత్ యాడ్స్’ ప్లాన్ వస్తోంది.
ఈమధ్యే ఐఫోన్ 14, 14 ప్రో ఫోన్లు తీసుకొచ్చిన యాపిల్ త్వరలోనే కొత్త ఐపాడ్, ఐపాడ్ ప్రోతో పాటు రెండు మ్యాక్స్ తేనుంది. ఒఎస్ 16.1 ఉన్న ఐపాడ్ని అక్టోబర్ 24వ తారీఖున రిలీజ్ చేయనుంది యాపిల్. అదేరోజు 11 ఇంచులు, 12.9 ఇంచుల సైజ్ ఉన్న రెండు ఐపాడ్స్ ప్రో, ఎం2 చిప్ ఉన్న రెండు సిలికాన్ పవర్ మ్యాక్లను కూడా తీసుకొస్తోంది యాపిల్. ఐపాడ్లో యాపిల్ ఎ 14 బయోనిక్ చిప్సెట్తో పాటు యూఎస్బి సి పోర్ట్ ఉంటుంది. వీటితో పాటు 14 ఇంచులు, 16 ఇంచుల సైజ్ ఉన్న మ్యాక్ ప్రోలను కూడా విడుదల చేయనుంది.
ఐ క్లౌడ్ నుంచి ఈజీగా
ఫొటోలు, వీడియోల్ని విండోస్ కంప్యూటర్, ఇతర ఫోన్లకు ఫొటోలు పంపించడం, లేదా వాటి నుంచి రిసీవ్ చేసుకోవడంలో ఇబ్బంది పడుతుంటారు యాపిల్ యూజర్లు. ఈ సమస్యకు సొల్యూషన్గా.. విండోస్ కంప్యూటర్లు, ఎక్స్బాక్స్ కన్సోల్స్లో యాపిల్ యాప్స్, సర్వీస్లని ఈజీగా వాడుకునేందుకు త్వరలోనే కొత్త అప్డేట్(2022.31100.9001.0) రానుంది. మైక్రోసాఫ్ట్ ఇమేజెస్లో కొన్ని మార్పులతో ఉండే ఈ అప్డేట్ వస్తే... విండోస్ 11 కంప్యూటర్ నుంచి లేదా ఎక్స్బాక్స్ కన్సోల్ నుంచి ఐక్లౌడ్ ఫొటో లైబ్రరీకి ఈజీగా యాక్సెస్ కావొచ్చు. అంతేకాదు గ్యాలరీ వ్యూలో మిగతా ఫొటోలతో పాటు ఐ క్లౌడ్ ఫొటోలు కూడా కనిపిస్తాయి.
యాప్ డెవలపర్స్ కోసం..
యూజర్ల సెక్యూరిటీ, అవసరాలకు తగ్గట్టు ఎప్పటికప్పుడు కొత్త ఫీచర్లు తీసుకొస్తుంది యాపిల్. అందుకోసం యాప్ డెవలపర్స్కు ఐడియాలు ఇవ్వడమే కాకుండా‘ఆస్క్ యాపిల్’ ప్రోగ్రాం నడిపిస్తోంది యాపిల్. ప్రపంచ వ్యాప్తంగా ఇలాంటి యాప్ యాక్స్లేటర్స్ చాలా ఉన్నాయి. వాటిల్లో ఒకటి బెంగళూరులో ఉంది. యాప్ డెవలపర్స్కి యాపిల్ కొత్త ప్రొడక్ట్స్ గురించి అవేర్నెస్ ఇవ్వడం కోసం అక్టోబర్ 17 నుంచి 20వ తేదీ వరకు మొదటి దశ ప్రోగ్రాం నిర్వహిస్తున్నారు. అందులో ఉచితంగా రిజిస్ట్రేషన్ చేసుకోవడానికి ‘ఆస్క్ యాపిల్’(Ask Apple) వెబ్సైట్లోకి వెళ్లి, యాపిల్ ఐడీతో లాగిన్ కావాలి. రిజిస్ట్రేషన్ చేసుకున్నవాళ్లు యాపిల్ ఇంజినీర్లతో మాట్లాడి, ఐఫోన్ 14 ప్రోలోని డైనమిక్ ఐలాండ్ ఫీచర్ గురించి మరింత తెలుసుకోవచ్చు. యాపిల్ స్విఫ్ట్ లాంగ్వేజ్ని అర్థం చేసుకోవడమే కాకుండా స్విఫ్ట్ యుఐ (యూజర్ ఇంటర్ఫేస్ )కూడా నేర్చుకోవచ్చు. కొత్త ఓఎస్, హార్డ్వేర్కి సరిపోయే యాప్స్ చేయడంలో కూడా యాపిల్ ఇంజినీర్ల సాయం తీసుకోవచ్చు.
ట్వీట్స్లో మెన్షన్ చేయకుండా..
ట్విట్టర్లో ఫొటోలు, పోస్టులకు ఫ్రెండ్స్, తెలిసినవాళ్లని ట్యాగ్ చేస్తుంటారు చాలా మంది. అంతేకాదు రిప్లయ్, ట్వీట్స్కు కూడా వాళ్లని మెన్షన్ చేస్తుంటారు. దాంతో ప్రతిదానికి ‘అనవసరంగా మా పేరు మెన్షన్ చేస్తున్నార’ని అనుకుంటారు కొందరు. అయితే, ఇకపై ఎవరుపడితే వాళ్లు ట్వీట్లకు మెన్షన్ చేయకుండా కొత్త ఫీచర్ తేనుంది ట్విట్టర్. ఈ ఫీచర్ వస్తే.. వాట్సాప్లో స్టేటస్, లాస్ట్ సీన్ కొంత మందికే కనిపించేలా సెట్టింగ్స్ మార్చుకోవచ్చు. అలానే ట్విట్టర్లో కూడా యూజర్లు ఎవర్ని మెన్షన్ చేయాలో సెట్టింగ్ మార్చకోవచ్చు. అంతేకాదు బ్లాక్ చేసిన వాళ్లు ఇకపై మెన్షన్ చేయలేరు. ఇందులో రెండు ఆప్షన్లు ఉంటాయి. ఒకటి - ఎవరైనా మెన్షన్ చేయొచ్చు, రెండోది- మీరు ఫాలో అవుతున్న వాళ్లు మాత్రమే మెన్షన్ చేయొచ్చు.
ఎవరూ మెన్షన్ చేయొద్దు అనే ఆప్షన్ కూడా ఉంది. టెస్టింగ్ దశలో ఉన్న ఈ ఫీచర్ త్వరలో అందుబాటులోకి వస్తుంది.
నెట్ఫ్లిక్స్లో కొత్త ప్లాన్
ఈమధ్య సబ్స్క్రయిబర్స్ బాగా తగ్గిపోవడంతో ఆదాయం పెంచుకునేందుకు ‘బేసిక్ విత్ యాడ్స్’ ప్లాన్ తీసుకొస్తోంది నెట్ఫ్లిక్స్. ఈ ప్లాన్ తీసుకున్న సబ్స్క్రయిబర్స్ వీడియో చూస్తుంటే... ప్రతి గంటకు నాలుగు లేదా ఐదు నిమిషాల పాటు యాడ్స్ వస్తాయి. ఈ ప్లాన్ నవంబర్ 3 నుంచి బ్రిటన్, ఫ్రాన్స్, అమెరికా, ఆస్ట్రేలియా వంటి దేశాల్లో అందు బాటులోకి వస్తుంది. మిగతా ప్రీమియం ప్లాన్స్లో ఏ మార్పులు లేవని చెప్పింది నెట్ఫ్లిక్స్.
సెన్సిటివ్ ట్వీట్స్ ముసుగేయొచ్చు
సోషల్మీడియాలో అసభ్యకరమైన, హింసను ప్రేరేపించేలా ఉన్న ఫొటోలు, పోస్ట్లు, వీడియోలు పెడుతుంటారు కొందరు. ట్విట్టర్లో కూడా ఇలాంటి సెన్సిటివ్ ట్వీట్స్ చాలానే ఉంటాయి. దాంతో అలాంటి ట్వీట్స్ 18 ఏండ్లలోపు పిల్లలు చూడకుండా ఉండేందుకు కొత్త ఫీచర్ తెస్తోంది ట్విట్టర్. అందుకని సెన్సిటివ్ ట్వీట్స్, ఫొటోలు చూడాలంటే యూజర్లు అకౌంట్లో తమ పుట్టిన రోజు యాడ్ చేయాలి. దాంతో సెన్సిటివ్ ట్వీట్స్ 18 ఏండ్లలోపు వాళ్ల కంటపడవు.