నేచురల్ స్టార్ నాని(Nani) ప్రస్తుతం కెరీర్ లో ఎన్నడూ లేనంత బిజీగా ఉన్నారు. వరుసగా క్రేజీ సినిమాలను ఒకే చేస్తూ ఫ్యాన్స్ ఫుల్ కిక్ ఇస్తున్నారు. ఇప్పటికే దర్శకుడి వివేక్ ఆత్రేయ(Vivek Atreya)తో సరిపోదా శనివారం(Saripoda Sanivaram) సినిమా చేస్తున్నారు నాని.. ఈ సినిమా తర్వాత వరుసగా మూడు క్రేజీ ప్రాజెక్టు లను అనౌన్స్ చేశారు. అందులో.. నాని-సుజీత్, నాని-బలగం వేణు, నాని-శ్రీకాంత్ ఓదెల సినిమాలు ఉన్నాయి. అందులో నాని-సుజీత్ సినిమాపై భారీ అంచనాలు నెలకొన్నాయి.
కారణం.. సుజిత్ ప్రస్తుతం పవర్ స్టార్ పవన్ కళ్యాణ్ తో ఓజీ సినిమా చేస్తుండటమే. ప్రస్తుతం ఈ సినిమాపై ఉన్న అంచనాలు చూస్తుంటే.. భారీ విజయం సాదించే అవకాశం ఉంది. అందుకే.. సుజిత్ నుండి వస్తున్న నాని సినిమాపై అంచనాలు పెంచుకునుటున్నారు ఫ్యాన్స్. అయితే.. తాజాగా ఈ ప్రాజెక్టు గురించి వినిపిస్తున్న న్యూస్ ఒకటి సోషల్ మీడియాలో వైరల్ అవడమే కాదు.. నాని ఫ్యాన్స్ ను నిరాశకు గురిచేసింది.
అదేంటంటే.. నాని-సుజీత్ ల సినిమా బడ్జెట్ సమస్యల్లో ఇరుక్కుందని టాక్. ఓజీ లాంటి సినిమా తరువాత వస్తున్న సినిమా కావడంతో ఈ సినిమాకు నాని రేంజ్ కి మించిన బడ్జెట్ అడిగాడట సుజీత్. దానికి నిర్మాత డీవీవీ దానయ్య ఒప్పుకోలేదని టాక్. ప్రస్తుతం నాని రేంజ్ కి అంత బడ్జెట్ అంటే కష్టం అని అన్నారట. అందుకే.. ఈ సిప్రెజెక్టు విషయంలో చర్చలు ముగియలేదని టాక్. అందుకే ఈ సినిమా ఆగిపోనుంది అనే టాక్ ఇండస్ట్రీలో నడుస్తోంది. మరి ఈ వార్తల్లో నిజమెంత అనేది తెలియాలంటే అధికారిక ప్రకటన వచ్చేవరకు ఆగాల్సిందే.
