మాస్టర్ మహేంద్రన్, అంబికా వాణి జంటగా వైకుంఠ్ బోను దర్శకత్వంలో త్రినాథ్కేశవ, ధనలక్ష్మి బాదర్ల నిర్మించిన చిత్రం 'వసుదేవసుతం'. జులై 10న సినిమా విడుదల కానుంది. మంగళవారం ట్రైలర్ను రిలీజ్ చేశారు. ఒరిస్సా లోని వాసుదేవుని ఆలయం చుట్టూ ఈ కథ ఉంటుందని రివీల్ చేశారు.
ఈ సందర్భంగా నిర్వహించిన ఈవెంట్లో మహేంద్రన్ మాట్లాడుతూ 'ఇందులో అద్భుతమైన కంటెంట్ ఉంది. ఇలాంటి పాత్ర, సినిమా దొరకడం నా అదృష్టం. మణిశర్మ గారి మ్యూజిక్ సినిమాకు ప్లస్ అవుతుంది' అని అన్నాడు.
ఈ చిత్రంలో నటించడం ఆనందంగా ఉందని అంబికా వాణి చెప్పింది. దర్శకుడు వైకుంఠ్ బోను మాట్లాడుతూ 'ఒరిస్సాలోని వాసుదేవుని టెంపుల్ బ్యాక్ డ్రాప్లో రాసిన ఈ కథ నిర్మాతలతోపాటు మహేంద్రన్కు బాగా నచ్చింది. ఇందులోని డైలాగ్స్, బ్యాక్ గ్రౌండ్ స్కోర్ గురించి అందరూ మాట్లాడుకుంటారు. చివరి 45 నిమిషాలు నెక్స్ట్ లెవెల్లో ఉంటుంది' అని చెప్పాడు. ఈ చిత్రం ఎవర్నీ నిరాశపర చదు అని నిర్మాతలు అన్నారు. టీమ్ అంతా పాల్గొన్నారు.
