గతేడాది ఎలాంటి అంచనాలు లేకుండా చిన్న సినిమాగా విడుదలై చక్కని విజయాన్ని అందుకుంది ‘ట్వల్త్ ఫెయిల్’. ఐపీఎస్ ఆఫీసర్ మనోజ్ కుమార్ శర్మ లైఫ్‌ స్టోరీ ఆధారంగా విధు వినోద్ చోప్రా తెరకెక్కించారు. ఓటీటీలో విడుదలయ్యాక ప్రేక్షకుల నుంచి ఈ హిందీ చిత్రానికి మరింత ఆదరణ దక్కింది. ఇప్పుడీ సినిమాను చైనాలో విడుదల చేయబోతున్నారు.
అదికూడా ఇరవై వేలకు పైగా స్క్రీన్స్‌‌లో భారీ ఎత్తున రిలీజ్ కానుందట. హీరో విక్రాంత్ మాస్సే ఈ విషయాన్ని రివీల్ చేశాడు. ఇప్పటికే పలు ఇండియన్ సినిమాలు చైనాలోనూ విడుదలై మెప్పించాయి. ముఖ్యంగా ఎమోషనల్ డ్రామాలను అక్కడి ప్రేక్షకులు ఆదరిస్తున్నారు. ఈ క్రమంలో ‘ట్వల్త్ ఫెయిల్’ అక్కడి ప్రేక్షకులను ఆకట్టుకుంటుందనే అంచనాలు ఉన్నాయి. త్వరలోనే ప్రమోషన్స్ కోసం టీమ్ చైనా వెళ్లనుంది.
