భర్త హత్య కేసు..కోర్టులో తానే వాదించుకున్న కెమిస్ట్రీ ప్రొఫెసర్

కోర్టుల్లో ఏదైనా కేసు ఉంటే ఏం చేస్తారు.? లాయర్లను పెట్టుకొని వాదించుకుంటారు. ఇది సహజం..కానీ ఈ బామ్మ తన కేసును తానే వాదించు కుంది.. అంతేకాదు..జడ్జిలే ఆశ్చర్యపోయేలా వాదనలు వినిపించింది. భర్త హత్య కేసులో ఆరోపణలు ఎదుర్కొంటున్న అసిస్టెంట్ కెమిస్ట్రీ ప్రొఫెసర్ కోర్టులో వినిపించిన వాదన న్యాయమూర్తుల బెంచ్ ను ఆశ్చర్యపర్చింది. వివరాల్లోకి వెళితే.. 

మధ్యప్రదేశ్ కు చెందిన 60యేళ్ల ప్రొఫెసర్ మమతా పాఠక్. ఈమె తన భర్త నీరజ్ పాఠక్ హత్య కేసులో నిందితురాలు..ఆమెకు సెషన్స్ కోర్టు జీవత ఖైదు విధించింది. అయితే హైకోర్టు మమతా పాఠక్ కు బెయిల్ ఇచ్చింది. వాదనలు నడుస్తున్నాయి. 

మమతా పాఠక్ తన తరపును తానే వాదించుకుంది. కోర్టులో ధీటైన వాదనలు వినిపించింది. మధ్యప్రదేశ్ హైకోర్టులో జస్టిస్ వివేక్ అగర్వాల్ ,జస్టిస్ దేవనారాయణ్ మిశ్రా డివిజన్ బెంచ్ ముందు ఆమె తన వాదనలు వినిపించారు.  కెమిస్ట్రీ అసిస్టెంట్ ప్రొఫెసర్ మమతా పాఠక్ ఒక చిన్న మాస్టర్ క్లాస్ ఇచ్చారు. విద్యుత్ ప్రవాహం కణజాలాలతో ఎలా సంఘర్షణ చెందుతుందో, వైద్య లోహ కణాల నిక్షేపణ, ప్రయోగశాల పరీక్షలలో ఆమ్ల ఆధారిత విభజనలు ,ప్రయోగశాల విశ్లేషణ తర్వాత మాత్రమే ఖచ్చితంగా అర్థం చేసుకోగల రసాయన ప్రతిచర్యల గురించి ఆమె సంక్లిష్టమైన వివరణ ఇచ్చింది. అటువంటి పరిశీలనలను చేసేలా చేయలేమని ఆమె వివరించారు.

ALSO READ | గురుదక్షిణగా PoK కావాలి.. ఆర్మీ చీఫ్‌ని కోరిన ఆధ్యాత్మిక గురువు రాంభద్రాచార్య

మమతా పాఠక్ పై హత్య కేసు విచారణ సందర్భంగా జరిగిన ఈ అసాధారణ సంభాషణ అటు జడ్జీలను, న్యాయవాదులను దిగ్భ్రాంతికి గురిచేసింది. ఇది ఇటీవల అత్యంత అసాధారణమైన కోర్టు గది సంఘటనగా రక్షణలలో ఒకటిగా అభివర్ణిస్తూ సోషల్ మీడియా పోస్ట్‌లను ఆకర్షించింది.

ఏంటీ హత్య కేసు?..

2021 ఏప్రిల్ 29న మధ్యప్రదేశ్‌లోని ఛతర్‌పూర్‌లో మమతా పాఠక్ తన భర్త రిటైర్డ్ ప్రభుత్వ వైద్యుడు నీరజ్ పాఠక్‌కు అధిక మోతాదులో నిద్రమాత్రలు ఇచ్చి, విద్యుత్ షాక్‌కు గురి చేసిందని ఆరోపించారు. ఆ తర్వాత ఆమె తన కొడుకుతో కలిసి ఝాన్సీకి వెళ్లిందని ఆరోపణలతో ఉన్నాయి. 

పోలీసు దర్యాప్తులో ఆమె మే 1న ఝాన్సీ నుండి తిరిగి వచ్చేసరికి తన భర్త చనిపోయి ఉన్నాడని ఆమె చెప్పింది. అయితే నీరజ్ పాఠక్ తన భార్య తనను హింసించిందని ఆరోపిస్తున్న వాయిస్ రికార్డింగ్, ఆమె డ్రైవర్ సాక్ష్యంగా ఆమెను దోషిగా నిలబెట్టింది. మమతా పాఠక్ గృహ హింస పేరుతో భర్తకు ఆహారంలో విషం ఇచ్చినట్లు దర్యాప్తులో వెల్లడైంది. 

ఈ కేసులో వాదనలు వినిపిస్తున్న క్రమంలో ‘‘మీ భర్తను విద్యుత్ షాక్ పెట్టి హత్య చేసినట్లు మీపై ఆరోపణలు ఉన్నాయి. పోస్ట్‌మార్టం ఫలితాల గురించి మీరు ఏమి చెబుతారు?" అని మధ్యప్రదేశ్ హైకోర్టు న్యాయమూర్తి మమతా పాఠక్ ను ప్రశ్నించగా ..ఆమె చెప్పిన కెమిస్ట్రీ రియాక్షన్ కు సంబంధించిన వివరణ సోషల్ మీడియాలో వైరల్ అయింది.