అనుమతులు లేకుండా అక్రమ డ్రైనేజీ పైపులైను నిర్మాణం చేపట్టవద్దంటూ మహిళా మండలి నేత అరుణ నాలుగు రోజులుగా డ్రైనేజీ పైపులైను గుంతలోనే కూర్చుని నిరసన వ్యక్తం చేస్తున్నారు. హైదరాబాద్ మాదాపూర్ డివిజన్ గోకుల్ ప్లాట్స్ భూముల్లో ఎటువంటి నిర్మాణాలు చేపట్టవద్దని కోర్టు ఉత్తర్వులున్నప్పటికీ.. బిల్డర్లు ఇష్టానుసారంగా నిర్మాణాలు చేపడుతున్నారని ఆరోపించారు. వెంకటరమణ కాలనీలో కొందరు ఎలాంటి పర్మిషన్ లేకుండా రాత్రికి రాత్రే డ్రైనేజీ కోసం రోడ్డును తవ్వి ఒక ఫీట్ డ్రైనేజీ పైపులైన్ ను 6 ఇంచులు ఉన్న డ్రైనేజీ పైపులైన్కు కలిపారని.. దీంతో డ్రైనేజీ పొంగినప్పుడు తమ ఇళ్లల్లోకి, కాలనీ రోడ్ల మీదకు మురుగు వస్తుందని ఆవేదన వ్యక్తం చేశారు. – మాదాపూర్, వెలుగు
