జేమ్స్బాండ్ 007.. ప్రపంచ వ్యాప్తంగా ఈ సినిమాలకు ఉన్న క్రేజ్ గురించి తెలిసిందే. త్వరలో రాబోయే ‘జేమ్స్ బాండ్ 25’లో ఓ ‘నల్ల జాతి అమ్మాయి’ కీలక రోల్లో కనిపించబోతోంది. సూపర్ హీరో మూవీ ‘కెప్టెన్ మార్వెల్’లో నటించిన ‘లషానాలించ్’. జమైకాకు చెందిన ఈ యంగ్ అండ్ టాలెంటెడ్ స్టార్ గురించి.
భారీ యాక్షన్, ఛేజ్లు, సస్పెన్స్, థ్రిల్లర్స్ ఇలా ఎన్నో వండర్స్తో బాండ్ సినిమాలు భలే థ్రిల్లింగ్ గా ఉంటాయి. నలభై ఏండ్లుగా జేమ్స్ బాండ్ సీక్వెల్స్ కొనసాగుతూనే ఉన్నాయి. తాజాగా 25వ సీక్వెల్ రాబోతుంది. అందులో హీరో ‘డేనియల్ క్రెగ్’కు సరితూగే పాత్రలో లషానాలించ్ కనిపించనున్నారు. మరోవైపు డేనియల్ యాక్ట్ చేస్తున్న చివరి జేమ్స్బాండ్ మూవీ ఇదే కాబట్టి.. తర్వాత ఆ ప్లేస్ను ‘లషానాలించ్’ భర్తీ చేస్తుందనేది హాలీవుడ్ లో హాట్ టాపిక్ ఇప్పుడు.
లషానాలించ్ .. లండన్లో పుట్టింది. కానీ వాళ్లది జమైకా. తల్లి సింగిల్ మదర్. దీంతో ఆమె జమైకా నుంచి లండన్కు వచ్చి స్థిరపడింది. లషానా తల్లి దగ్గరే ఒంటరిగా పెరిగింది. మొదట్లో సింగర్ అవ్వాలని ఉండేది ఆమెకు. అందుకని లండన్లోని ‘ది సిల్వియా యంగ్ థియేటర్ స్కూల్’లో మ్యూజిక్ కోర్సులో చేరింది. రెగ్యులర్గా కాలేజీకి వెళ్తున్న లషానాకు ఒక టీచర్ యాక్టింగ్ కోర్సులో చేరాలనే సలహా ఇచ్చింది. ‘పాడటం, నటన రెండూ చేతిలో ఉంటే.. మంచి గుర్తింపు ఉంటుంది’ అని ఆ టీచర్ చెప్పింది. దీంతో లషానా థియేటర్ ఆర్ట్స్ పై ఆసక్తి పెంచుకుంది. కాలేజీలో తరచూ డ్రామాల్లో నటించడం.. కొన్ని సార్లు సొంతంగా నాటికలు రాయడం అలవాటు చేసుకుంది. ‘క్రాస్ వర్డ్స్’ పేరుతో ఆమె ఓ యంగ్ రచయిత లవ్ స్టోరీని ఒక నాటకంగా రాసింది. నాటికల్లో మూస పద్ధతులను బ్రేక్ చేసిన నాటికగా కాలేజీలో మంచి రెస్పాన్స్ తెచ్చింది.
టీవీ షోలలో..
కాలేజీ తర్వాత ఆమె కెరీర్ టెలివిజన్ వైపు సాగింది. 2007లో ‘ఎడ్యుకేటింగ్ రీటా’ అనే ఫేమస్ టీవీ సిరీస్లో ఆమె మొదటిసారి నటించింది. ఐదు సంవత్సరాల తరువాత ఆమెకు సినిమా అవకాశాలు దక్కాయి. ‘ఫాస్ట్ గర్ల్స్’ సినిమాలో ‘బెల్లీ న్యూమాన్’ అనే క్యారెక్టర్తో సినిమాల్లోకి ఎంట్రీ ఇచ్చింది. తరువాతి సంవత్సరాల్లో ‘పౌడర్ రూమ్’ ‘బ్రదర్హుడ్’ వంటి బ్రిటిష్ మూవీస్లో యాక్ట్ చేసింది. ‘సైలెంట్ విట్నెస్’, ‘అట్లాంటిస్’ ‘డెత్ ఇన్ ప్యారడైజ్’ ‘క్రిమ్స్’ ‘డాక్టర్స్’ వంటి టీవీ సిరీస్లలో అనేక పాత్రలు చేసింది.
2017లో అమెరికాకు చెందిన సిరీస్ ‘ స్టిల్ స్టార్-క్రాస్డ్’ లో లీడ్రోల్లో అమెరికా అంతటా ఫ్యాన్స్ను సంపాదించుకుంది. ఆ తర్వాతే సూపర్ హీరో మూవీ ‘కెప్టెన్ మార్వెల్’లో సూపర్ విమెన్గా అందరినీ ఆకట్టుకుంది. సింగిల్ మదర్గా, ఫైటర్ పైలెట్గా ఆమె పాత్రలో చక్కగా ఇమిడిపోయి చేసి మార్వెల్ మూవీలో లేడీ ఐకాన్గా పేరుతెచ్చుకుంది లషానా.
బాండ్ గర్ల్
కెప్టెన్ మార్వెల్ లాంటి యాక్షన్ మూవీలో తన అద్భుతమైన పర్ఫార్మెన్స్తో హాలీవుడ్ లో సంచలనం క్రియేట్ చేసింది లషానా. ఆ తర్వాత యాక్షన్ మూవీస్లో అనేక ఛాన్స్లు దక్కించుకుంది. హాలీవుడ్లో హంగామా సృష్టించి, ప్రపంచ వ్యాప్తంగా అభిమానులున్న ‘జేమ్స్ బాండ్’ మూవీ సిరీస్లో నటించింది. ‘బాండ్ 25’–‘నో టైం టు డై’ లో కూడా నటించింది. ఆ మూవీలో సీక్రెట్ ఏజెంట్గా ‘డేనియల్ క్రెగ్’ చివరిసారి కనిపించబోయే మూవీ ఇదే. అయితే డేనియల్ తర్వాత జేమ్స్ బాండ్గా ఎవరు కంటిన్యూ అవుతారన్న దాని గురించి ఆ మధ్య హాలీవుడ్లో పెద్ద ఎత్తున చర్చ జరిగింది. జేమ్స్ బాండ్ ప్లేస్ ను భర్తీ చేయగల స్థానాన్ని ‘లషానా లించ్’కే ఉందని అందరూ అభిప్రాయపడ్డారు. అంతటి సత్తా ఉన్న యాక్టర్ లషానా లించ్.
